આજનું હવામાન : રાજ્યમાં અતિભારે વરસાદની આગાહી, આ જિલ્લાઓમાં મેઘરાજા ધબધબાટી બોલાવશે, જુઓ Video
હવામાન વિભાગની આગાહી અનુસાર આજે રાજ્યમાં ભારે વરસાદની આગાહી કરવામાં આવી છે. સૌરાષ્ટ્ર અને કચ્છમાં ભારેથી અતિભારે વરસાદની આગાહી કરવામાં આવી છે. જાણો તમારા વિસ્તારમાં વરસાદની આગાહી છે કે નહીં. તેમજ તમારા જિલ્લામાં કેટલુ તાપમાન રહેશે.
હવામાન વિભાગની આગાહી અનુસાર આજે રાજ્યમાં ભારે વરસાદની આગાહી કરવામાં આવી છે. સૌરાષ્ટ્ર અને કચ્છમાં ભારેથી અતિભારે વરસાદની આગાહી કરવામાં આવી છે. જ્યારે અમદાવાદ અને ગાંધીનગરમાં પણ આજે વરસાદ પડી શકે છે. રાજ્યમાં આગામી 7 દિવસ વરસાદી માહોલ રહે તેવી શક્યતા છે. જેના પગલે હવામાન વિભાગે માછીમારોને દરિયો ન ખેડવા સૂચના આપી છે.
હાલ સાયકલોનિક સર્ક્યુલેશન સક્રિય થતા વરસાદ વરસવાની શક્યતા છે. જો કે વલસાડ, નવસારી, તાપી,સુરત, નર્મદા, ભરૂચ, ખેડા અને અમદાવાદમાં અતિભારે વરસાદ પડી શકે છે. તેમજ સૌરાષ્ટ્રમાં ભાવનગર સોમનાથ, દ્વારકા, જામનગર, સુરેન્દ્રનગર, ભાવનગરમાં ભારે વરસાદની શક્યતા વ્યક્ત કરવામાં આવી છે.
રાજ્યમાં કેટલુ રહેશે તાપમાન
હવામાન વિભાગની આગાહી અનુસાર આજે સાબરકાંઠા, પોરબંદર, નર્મદા, પંચમહાલ, અરવલ્લી, બનાસકાંઠા, છોટાઉદેપુર સહિતના જિલ્લાઓમાં 31 ડિગ્રી મહત્તમ તાપમાન રહે તેવી શક્યતા છે. અમદાવાદ, આણંદ, ભાવનગર, દેવભૂમિ દ્વારકા, ગાંધીનગર, જામનગર, જુનાગઢ, ખેડા, મહેસાણા સહિતના જિલ્લાઓમાં 32 ડિગ્રી મહત્તમ તાપમાન રહે તેવી શક્યતા છે. આ તરફ વલસાડમાં 29 ડિગ્રી મહત્તમ તાપમાન રહે તેવી શક્યતા છે.
