Gujarati video: રાજકોટમાં 90 કરોડના ખર્ચે તૈયાર થયેલા 6 લેન બ્રિજનું CM કરશે લોકાર્પણ, ગુજરાતનો પ્રથમ સિંગર પિયર ઓવરબ્રિજનો જુઓ Video

રાજકોટની સૌથી જટિલ ટ્રાફિક સમસ્યાનો આજે અંત આવશે. રાજ્યના મુખ્યમંત્રી CM ભૂપેન્દ્ર પટેલ આજે સાંજે 5 કલાકે ગોંડલ ચોકડી પરના 6 લેન એલિવેટેડ ઓવરબ્રિજનું લોકાર્પણ કરશે. આ બ્રિજ ગુજરાતનો પ્રથમ સિંગલ પિયર ફ્લાયઓવર છે.

90 કરોડના ખર્ચે તૈયાર થયો બ્રિજ

સિંગલ પિયર એટલે કે એક જ થાંભલા પર છ લેનનો બ્રિજ તૈયાર કરવામાં આવ્યો છે. દેશભરમાં અત્યાર સુધીમાં આવા ત્રણ જ બ્રિજ બન્યા છે. આ 1.2 કિલોમીટર લાંબો ઓવરબ્રિજ 90 કરોડના ખર્ચે થયો તૈયાર કરાયો છે. ગુજરાતનો પહેલો અને દેશનો ત્રીજો સિંગલ પિયર ઓવરબ્રિજ ચાર વર્ષની કામગીરી બાદ તૈયાર કરાયો છે.

આ ઓવરબ્રિજ 150 ફૂટ રિંગરોડ, ગોંડલ રોડ અને અમદાવાદ નેશનલ હાઈ-વે એમ ત્રણ તરફ ખુલે છે. અહીંથી રોજ દોઢ લાખ વાહન ચાલકો પસાર થયા છે. ગોંડલ, જેતપુર, જૂનાગઢ, સોમનાથ, પોરબંદર, દ્વારકા જતા વાહનોની સાથે જ શાપર ઔદ્યોગિક વિસ્તારમાં જવા માટે પણ અહીંથી જ પસાર થવું પડે છે.

પાંચ વર્ષે ગોંડલ રોડ  થયો બ્રિજ તૈયાર

રાજકોટથી ગોંડલ કે સોમનાથ તરફ જવું હોય તો ગોંડલ ચોકડી દરેક વાહનચાલક માટે માથાનો દુ:ખાવો બનતી હોય છે. છેલ્લા પાંચ વર્ષથી અહીં બ્રિજનું કામ ચાલતું હોવાને કારણે વાહનચાલકો માટે માથાનો દુખાવો બની ગયો હતો. જો કે હવે આ મુશ્કેલીનો અંત આવશે.

આ બ્રિજ શરૂ થવાને કારણે અમદાવાદથી ગોંડલ સોમનાથ તરફ જવા ઈચ્છુક લોકોએ શહેરમાં પ્રવેશ નહીં કરવો પડે સીધા જ આ ઓવરબ્રિજથી તેઓ બાયપાસ થઈ શકશે. આ ઉપરાંત ઔધોગિક વિસ્તાર શાપરમાં જતા લોકો માટે પણ હવે ટ્રાફિકની કોઈ સમસ્યા નહીં રહે. જિલ્લા કલેક્ટર અરૂણ મહેશ બાબુએ કહ્યું હતું કે આ બ્રિજ એક પિલર પર તૈયાર કરેલો નમૂનેદાર બ્રિજ છે. આ બ્રિજને ખુલ્લો  મૂકાતા લાખો વાહનચાલકોને ટ્રાફિકની સમસ્યામાંથી મુક્તિ મળશે જ્યારે બ્રિજની નીચે સૌરાષ્ટ્રની ઝાંખી દર્શાવતું બ્યુટિફિકેશન પણ કરવામાં આવશે.

ગુજરાતના પ્રથમ સિંગલ પિયર ફ્લાયઓવરની વિશેષતાઓ

• એક જ થાંભલા પર છ લેનનો બ્રિજ
• ગોંડલ બાયપાસ ચોકડીનો બ્રિજ ત્રણ તરફ ખુલે છે
• બ્રિજની લંબાઈ 1.2 કિલોમીટર
• 90 કરોડના ખર્ચે બ્રિજ બનીને તૈયાર થયો
• દોઢથી બે લાખ વાહન ચાલકોને ફાયદો થશે