Gujarat Weather Update : વેસ્ટર્ન ડિસ્ટર્બન્સના પગલે આગામી દિવસોમા રાજ્યનું તાપમાન 2 ડિગ્રી વધશે

ગુજરાતમાં ઠંડીને લઈ હવામાન વિભાગે મહત્વની આગાહી કરી છે. વેસ્ટર્ન ડિસ્ટર્બન્સની અસર હેઠળ ભેજ આવતા તાપમાન 2 ડિગ્રી વધશે. રાજ્યમાં આવતીકાલે તાપમાન વધતા ઠંડીમાં સામાન્ય ઘટાડો નોંધાશે. જો કે બે દિવસ બાદ ગુજરાતમાં ફરી એકવાર તાપમાન ઘટતા ઠંડીનો ચમકારો અનુભવાશે. રાજ્યમાં આજે નલિયામાં સૌથી ઓછું 9.3 ડિગ્રી તાપમાન નોંધાયું હતું. તો અમદાવાદમાં 13 અને ગાંધીનગરમાં 11 ડિગ્રી તાપમાન નોંધાયું છે.

ઉત્તર ભારતમાં થયેલી હિમવર્ષાને પગલે ગુજરાતમાં પણ ઠંડીનો અનુભવ થઈ રહ્યો છે.. રાજ્યમાં સૌથી વધુ ઠંડી ડીસામાં 7.6 ડિગ્રી નોંધાઈ છે.. શીત લહેર અને ઠંડા ફૂંકાતા પવનને કારણે લોકોને હાડ થીજવતીનો અનુભવ થઈ રહ્યો છે.. રાજ્યના મહાનગરોમાં પણ ઠંડીનો ચમકારો જોવા મળી રહ્યો છે.. છેલ્લા બે-ત્રણ દિવસથી ઠંડીનું જોર વધતા જનજીવનને અસર પડી છે

ઉલ્લેખનીય છે કે, ઉત્તર ભારતના.. જમ્મુ-કાશ્મીર, હિમાચલ પ્રદેશ અને ઉત્તરાખંડમાં ભારે હિમવર્ષા થઈ રહી છે.. હિંદુ ધર્મના ચાર ધામ પૈકીના પવિત્ર આસ્થા સ્થાનક કેદારનાથ ધામમાં હિમવર્ષાથી રીતસરની બરફની ચાદર પથરાઈ છે.. કેદારનાથ મંદિરનું સમગ્ર પરિસર સંપૂર્ણપણે બરફથી આચ્છાદિત થઈ ગયું છે.

પાડોશી રાજસ્થાનના માઉન્ટ આબુમાં પણ ઠંડીએ બરાબર જોર પકડ્યું છે.. માઉન્ટ આબુમાં તાપમાનનો પારો ગગડતા માઈનસ 2.4 ડિગ્રી થઈ ગયું.. નકી તળાવમાં બોટ પર બરફ જામી ગયો.. તો માઉન્ટ આબુના મેદાની વિસ્તારોમાં પણ ઘાસ પર બરફ જામી ગયો.. ઘરની બહાર પડેલા વાહન પર પણ બરફના થર જ જોવા મળ્યા

કાશ્મીરના અનેક વિસ્તારો માઈનસ ડિગ્રીમાં પહોંચી ચૂક્યા છે.. ઉત્તર ભારતમાં સ્કિઈંગ માટે પ્રસિદ્ધ ગુમલર્ગમાં છેલ્લા ત્રણ વર્ષની સૌથી વધુ ઠંડી પડી છે. લેહમાં માઈનસ 13.9 અને કારગીલના દ્રાસ સેક્ટરમાં સૌથી વધારે માઈનસ 19.2 ડિગ્રી ઠંડી નોંધાઈ છે.. કાશ્મીર ઠુંઠવાઈ ચૂક્યું છે