ગુજરાતનું હવામાન : આજે રાજ્યમાં બેવડી ઋતુનો અનુભવ થાય તેવી સંભાવના, જુઓ વીડિયો

હવામાન વિભાગની આગાહી અનુસાર આજે ગુરુવારે રાજ્યમાં તાપમાન યથાવત રહે તેવી સંભાવના વ્યક્ત કરવામાં આવી છે. શહરે અને રાજ્યમાં આગામી 5 દિવસ વાતાવરણ સૂકુ રહે તેવી સંભાવના વ્યક્ત કરવામાં આવી છે. ત્યારે પૂર્વ ઉત્તર-પૂર્વના પવન ફૂંકાઇ રહ્યા છે. જેના પગલે લઘુતમ અને મહત્તમ તાપમાનમાં યથાવત રહેશે. તેમજ ડિગ્રી તાપમાન વધી શકે અથવા ઘટી શકે છે. હવામાન વિભાગની આગાહી અનુસાર રાત્રે અને સાંજે ઠંડક જ્યારે બપોરે ગરમીનો અહેસાસ થાય તેવી શક્યતા કરી છે.

હવામાન વિભાગ અનુસાર આજે અમદાવાદ, આણંદ, ભાવનગર, છોટાઉદેપુર, ડાંગ, ખેડા, પંચમહાલ,વલસાડ સહિતના જિલ્લાઓમાં 35 ડિગ્રી તાપમાન રહે તેવી સંભાવના છે. તેમજ બોટાદ, દેવભૂમિ દ્વારકા, મોરબી, નવસારી, રાજકોટ સહિતના જિલ્લાઓમાં 37 ડિગ્રી તાપમાન રહે તેવી સંભાવના છે.

ભરુચ, ગીર સોમનાથ, નર્મદા, પાટણ, પોરબંદર, તાપી, વડોદરા સહિતના જિલ્લાઓમાં 36 ડિગ્રી તાપમાન રહે તેવી સંભાવના છે. તેમજ અમદાવાદ,આણંદ, ગાંધીનગર, દ્વારકા સહિતના જિલ્લાઓમાં 21 ડિગ્રી ન્યૂનત્તમ તાપમાન રહે તેવી સંભાવના છે. અમરેલી, બોટાદ, જુનાગઢ, કચ્છ, મોરબી, રાજકોટ, સુરત, સુરેન્દ્રનગર સહિતના જિલ્લાઓમાં 23 ડિગ્રી ન્યૂનત્તમ તાપમાન રહે તેવી સંભાવના છે.