Gujarat Rain Video: વડોદરાના અનેક વિસ્તારોમાં વરસાદ, અલકાપુરી સ્ટેશન રોડ પાણી ભરાઈ જતા બંધ
Vadodara Rain Video: વડોદરા શહેરના રાવપુરા, સયાજીગંજ, અલકાપુરી, માંજલપુર સહિતના અનેક વિસ્તારોમાં વરસાદ વરસ્યો હતો. નવાપુરા અને પ્રતાપુરા વિસ્તારમાં રસ્તાઓ પર પાણી ભરાઈ જવા પામ્યા હતા.
વડોદરા શહેરના અનેક વિસ્તારોમાં બુધવારે બપોરબાદ અનેક વિસ્તારમાં વરસાદ વરસ્યો હતો. ભારે ઉકળાટ બાદ શહેરના અનેક વિસ્તારમાં વરસાદ વરસતા રાહત સર્જાઈ હતી. વડોદરા શહેરના રાવપુરા, સયાજીગંજ, અલકાપુરી, માંજલપુર સહિતના અનેક વિસ્તારોમાં વરસાદ વરસ્યો હતો. નવાપુરા અને પ્રતાપુરા વિસ્તારમાં રસ્તાઓ પર પાણી ભરાઈ જવા પામ્યા હતા. પાણી રસ્તા પર ભરાઈ જવાને લઈ અલકાપુરીથી સ્ટેશન જવાના રસ્તો બંધ થઈ ગયો હતો. અંડરપાસમાં વરસાદી પાણી ભરાઈ જવા પામ્યા હતા.
કેટલાક વિસ્તારોમાં ધોધમાર વરસાદ વરસવાને લઈ અનેક નિચાણવાળા વિસ્તારોમાં પાણી ભરાઈ જવા પામ્યા હોવાના દ્રશ્યો જોવા મળ્યા હતા. વડોદરા શહેરમાં કેટલાક વિસ્તારરોમાં હળવા અને કેટલાક વિસ્તારોમાં ભારે ઝાપટા વરસ્યા હતા. વડોદરામાં શહેરમાં અનેક રસ્તાઓ પણ વરસાદને લઈ પહેલાથી જ બિસ્માર થઈ ગયા છે અને કોર્પોરેશન પર લોકોનો રોષ જોવા મળી રહ્યો છે. જ્યારે બુધવારે વરસાદ વરસવાને લઈ અનેક વિસ્તારમાં પાણી ભરાઈ જતા પ્રિ-મોનસુન કામગીરીને લઈ કોર્પોરેશન સામે સવાલો કરતા દ્રશ્યો જોવા મળ્યા હતા.
આ પણ વાંચોઃ Gujarat Video: હિંમતનગરમાં મૃત બાળકની કલાકો સુધી કરી સારવાર, PM-JAY ના પૈસા પડાવવા હોસ્પિટલનુ કારસ્તાન!
ગુજરાત ના તમામ જિલ્લાના સમાચાર વાંચવા માટે અહીં ક્લિક કરો
