દમણ-વલસાડમાં ગૌ તસ્કરીની ઘટના આવી સામે, ગાયોને ઇન્જેક્શન આપતા એક ગાયનું મોત

દમણ અને વલસાડના ગામોમાંથી ગાયોની તસ્કરી સામે આવી છે. જ્યાં ગૌવંશજને પહેલા તો ઇન્જેક્શન આપી દેવાય છે અને ગાયો બેભાન થાય એટલે અજાણ્યા શખ્સો તેમની તસ્કરી કરી જાય છે. તો, ઘટનાના CCTV પણ સામે આવ્યા છે. દૃશ્યોમાં જોઇ શકાય છે કે રાતના સમયે એક કારમાં કેટલાંક શખ્સો આવે છે અને ગાયોને ઇન્જેક્શન લગાવી જાય છે અને મોકો જોઇને ગાયોની તસ્કરી કરે છે.

આ પણ વાંચો : વલસાડની કચેરીઓમાં આવી દિવાળી, પાલિકા, કચેરીઓમાં હાથ ધરાયું સાફ સફાઈ અભિયાન

જો કે ઘટના દરમિયાન એક ગાયનું તો મોત નીપજ્યું અને અન્ય કેટલીક ગાયોની તસ્કરી કરી ગયા. તો, ઘટનાનો ખુલાસો થતા લોકોમાં પણ રોષ ફેલાયો છે. લોકોએ માગ કરી છે, કે તાત્કાલિક ધોરણે ગૌવંશજની તસ્કરી કરનાર સામે કડક કાયદાકીય કાર્યવાહી કરવામાં આવે.