ગાંધીનગર : સાંતેજમાં બાળકી દુષ્કર્મ કેસમાં આરોપી સામે ચાર્જશીટ દાખલ કરાશે

ગાંધીનગરના સાંતેજમાં બાળકી સાથે થયેલા દુષ્કર્મ કેસમાં આરોપી સામે ચાર્જશીટ દાખલ કરાશે. આગામી બે દિવસમાં ગાંધીનગર પોલીસ ચાર્જશીટ દાખલ કરશે. આરોપી સામે ત્રણ બાળકી સામે દુષ્કર્મના ગુના દાખલ થયેલા છે. જેમાં અત્યારે બાળકીની હત્યા અને દુષ્કર્મની પ્રથમ ઘટનામાં ફાસ્ટટ્રેક કોર્ટમાં કેસ ચાલી રહ્યો છે.

મહત્વનું છે કે અગાઉ આરોપીએ પોલીસ સમક્ષ 8 જેટલા ગુનાની કબૂલાત કરી હતી. આરોપીએ 3 બાળકીઓ સાથે દુષ્કર્મ આચર્યું હોવાની કબૂલાત કરી હતી. સાથે જ તેણે કબૂલાત કરી હતી કે તેને 5 મહિના પહેલા સાંતેજ, કલોલ, મહેસાણા સહિતના વિસ્તારોમાં અનેક લૂંટને અંજામ આપ્યો હતો.

3 વર્ષની બાળકીના કેસમાં કથિત બળાત્કારી 26 વર્ષના વિજયજી ઠાકોર નામના યુવકની પોલીસ દ્વારા ધરપકડ કરવામાં આવી હતી. આ સાઈકો કિલરની વધુ તપાસ કરવામાં આવી રહી છે. આ અંગે પોલીસે જણાવ્યું છે કે, 5 નવેમ્બરે રાત્રે સાંતેજમાં શ્રમજીવી પરિવારની બાળકી પરિવાર સાથે સૂતી હતી ત્યારે અજાણ્ય શખ્સ લઈ ગયો હતો. જે બાદ તેની લાશ મળી આવી હતી અને પોલીસ દ્વારા આ મામલે તપાસ ચાલું છે.

આરોપી મૂળ દાહોદનો અને મજૂરી કામ કરતો પરિવાર ખાત્રાજ ચોકડી પાસે રહેતો હતો, આ દરમિયાન ત્રણ વર્ષની બાળકી પણ તેમની સાથે સૂતી હતી ત્યારે આરોપી બાળકીનું અપહરણ કર્યું હતું.

આ પણ વાંચો : Parliament Winter Session: કોંગ્રેસ, શિવસેના, TMC, CPI, CPM સહિત 12 રાજ્યસભા સાંસદ વર્તમાન શિયાળુ સત્રમાંથી સસ્પેન્ડ