રાજકોટ વાળા આવી તમાકુ ખાય છે ! SOG ના દરોડામાં ડુપ્લીકેટ તમાકુ ફેક્ટરી ઝડપાઈ, જુઓ Video

રાજકોટમાં સ્પેશિયલ ઓપરેશન ગ્રુપ (SOG) દ્વારા ગેરકાયદે ડુપ્લીકેટ તમાકુના મોટા કાળા કારોબારનો પર્દાફાશ કરવામાં આવ્યો છે. શહેરમાં ચાલતી ડુપ્લીકેટ તમાકુની ફેક્ટરી પર SOGએ દરોડા પાડીને કરોડો રૂપિયાના બનાવટી તમાકુના વેચાણ પર રોક લગાવી છે.

પ્રાપ્ત માહિતી અનુસાર, રાજકોટના હિરેન પરફ્યુમરી વર્ક નામના ગોડાઉનમાં આ ગેરકાયદેસર પ્રવૃત્તિઓ ચાલી રહી હતી. SOG દ્વારા ગુપ્ત માહિતીના આધારે દરોડા પાડવામાં આવતા, હિરેન સોનેજી અને રાજુ સોનેજી નામના બે શખ્સો સામે કાયદેસરની કાર્યવાહી કરવામાં આવી છે. પોલીસ તપાસમાં સામે આવ્યું છે કે આ બંને આરોપીઓ લાંબા સમયથી ડુપ્લીકેટ તમાકુનું ઉત્પાદન અને વેચાણ કરી રહ્યા હતા.

દરોડા દરમિયાન પોલીસે 500 ગ્રામ, 200 ગ્રામ અને 50 ગ્રામ વજનના ડુપ્લીકેટ તમાકુના ડબ્બાનો વિશાળ જથ્થો કબજે કર્યો છે. SOG પોલીસે આ ઓપરેશનમાં કુલ ₹1.72 લાખથી વધુનો મુદ્દામાલ જપ્ત કર્યો છે, જેમાં ડુપ્લીકેટ તમાકુ ઉપરાંત તેના ઉત્પાદનમાં વપરાતા સાધનોનો પણ સમાવેશ થાય છે. આ સફળ કાર્યવાહીથી રાજકોટમાં નકલી તમાકુના વ્યાપક કારોબારને મોટો ફટકો પડ્યો છે અને ગ્રાહકોના સ્વાસ્થ્ય સાથે ચેડાં કરનારાઓ સામે કડક સંદેશ પહોંચાડવામાં આવ્યો છે.

અમદાવાદમાં મલાલાના પુસ્તક વાંચન કાર્યક્રમમાં બજરંગદળ અને CJP-કોંગ્રેસ વચ્ચે ઉગ્ર ઘર્ષણ