મૌલાના મુફ્તી સલમાન અઝહરીની પાસા હેઠળ અટકાયત, મોડાસા કેસમાં જામીન મુક્ત થતાં જ અટકાયત

ભડકાઉ ભાષણ આપનાર મૌલાના મુફ્તી સલમાન અઝહરી સામે જુનાગઢ, કચ્છ અને ત્યારબાદ મોડાસામાં પણ ગુનો નોંધાયો હતો. ત્યારે મોડાસા કેસમાં મૌલાના મુફ્તીને જામીન મળ્યા હતા. પરંતુ જૂનાગઢ પોલીસે મૌલાના મુફ્તી અઝહરીની પાસા હેઠળ અટકાયત કરીને વડોદરા સેન્ટ્રલ જેલ હવાલે કર્યો છે.

મોડાસા સેશન કોર્ટે મૌલાનાને શરતી જામીન આપ્યા છે. જામીન આપતા કોર્ટે શરતો પણ મૂકી હતી, જેમાં સાક્ષીઓને ડરાવવા ધમકાવવા નહીં, તેમજ પાસપોર્ટ હોય તો જમા કરાવવા આદેશ પણ આપવામાં આવ્યો હતો. તો મૌલાના સલમાન અઝહરી કોર્ટની પરવાનગી વગર દેશ છોડી શકશે નહીં. જામીન મળતાં જ જૂનાગઢ પોલીસે પાસા હેઠળ અટકાયત કરી હતી. બચાવ પક્ષના વકીલો દ્વારા ચાર્જશીટનો અભ્યાસ કર્યા બાદ આગામી દિવસમાં હાઇકોર્ટમાં જવાની વાત કરી છે.

આ પણ વાંચો અમરેલી: સૌરાષ્ટ્રના સૌથી મોટા વોન્ટેડ બુટલેગરની અમરેલી પોલીસે કરી ધરપકડ, 11 જિલ્લામાં હતો વોન્ટેડ- વીડિયો