Kutch News : ગાંધીધામમાં સર્જાયો વિચિત્ર અકસ્માત, કન્ટેનરચાલકે નિયંત્રણ ગુમાવતાં બે બ્રિજની વચ્ચે લટક્યું, જુઓ Video

ગુજરાતમાં અવારનવાર અકસ્માતની ઘટના સામે આવતી હોય છે. ત્યારે ભચાઉ તાલુકામાં વોન્ધથી રામદેવપીર તરફ જતા નેશનલ હાઈવે પર અકસ્માત સર્જાયો છે. ગાંધીધામ તરફથી આવતું કન્ટેનર અચાનક નિયંત્રણ ગુમાવતાં બે બ્રિજની વચ્ચેની ખાલી જગ્યા પર દીવાલ તોડી લટકી પડ્યું છે. આ દુર્ઘટનામાં સદભાગ્યે ડ્રાઈવરનો ચમત્કારી બચાવ થયો છે. જો કે બે બ્રિજ વચ્ચે લટકેલા ટેન્કરને ક્રેનની મદદથી બહાર કઢાવ્યું હતું.

અમદાવાદમાં સર્જાયો હતો અકસ્માત

બીજી તરફ અમદાવાદના શાહીબાગમાં કાર ચાલકે એક્ટિવા ચાલકને અડફેટે લેતા તેનું મોત નિપજ્યું હતું.પ્રાપ્ત થતી માહિતી અનુસાર પૂર પાટ ઝડપે આવતી કારે પહેલા એક્ટિવાને ટક્કર મારી હતી. ત્યારબાદ એક્ટિવા ચાલકે કાબૂ ગુમાવતા તે રિક્ષા ચાલકને અથડાતા યુવકનું મોત નિપજ્યું હતું. જો કે આ સમગ્ર ઘટનામાં રિક્ષા ચાલકને પણ ઈજા થઈ હતી. ઈજાગ્રસ્ત રિક્ષા ચાલકને તાત્કાલિક ધોરણે સારવાર અર્થે ખસેડ્યો હતો. જો કે અકસ્માત સર્જનાર કાર ચાલકની પોલીસે અટકાયત કરી હતી.