Gujarati Video : પાલનપુર સિવિલ હોસ્પિટલ આગળ બે આખલા બાખડ્યા, યુદ્ધ જામતા અફરાતફરીનો માહોલ સર્જાયો
બનાસકાંઠાના પાલનપુરની સિવિલ હોસ્પિટલ આગળ બે આખલા બાખડતા અફરાતફરીનો માહોલ સર્જાયો હતો. બે આખલા વચ્ચે યુદ્ધ જામતા રસ્તા પર અફરાતફરી જોવા મળી હતી.
રાજ્યમાં સતત રખડતા ઢોરનો આતંક વધી રહ્યો છે. તેવામાં રખડતા આખલાનો આતંક બનાસકાંઠાના પાલનપુરમાં જોવા મળ્યો છે. બનાસકાંઠાના પાલનપુરની સિવિલ હોસ્પિટલ આગળ બે આખલા બાખડતા અફરાતફરીનો માહોલ સર્જાયો હતો. બે આખલા વચ્ચે યુદ્ધ જામતા રસ્તા પર અફરાતફરી જોવા મળી હતી. સાથે જ રાહદારોમાં પણ ભયજોવા મળ્યો હતો.
આ પણ વાંચો : Gujarati Video: RTEમાં એડમિશન આપવાને બહાને સક્રિય થયા લેભાગૂ તત્વો, યુવતીએ વેબસાઈટ બનાવી લોકો સાથે આચરી છેતરપિંડી
છેલ્લા ઘણા સમયથી રખડતા ઢોરના કારણે ઘણા લોકો ઈજાગ્રસ્ત થયો છે. તો કેટલાક લોકોએ જીવ પણ ગુમાવ્યો છે. પાલનપુરની સિવિલ હોસ્પિટલ આગળ બે આખલા બાખડતા દર્દીઓ અને સાથે આવેલા લોકોને પણ હાલાકીનો સામનો કરવો પડ્યો હતો.
દહેગામમાં પણ રખડતા ઢોરની દહેશત
તો આ તરફ ગાંધીનગરના દહેગામમાં પણ રખડતા ઢોરની દહેશત જોવા મળી હતી. રખડતા પશુના હુમલાની વધુ એક ઘટના સામે આવી હતી. રખડતા ઢોરે 7 વર્ષના બાળક અને યુવક પર હુમલો કર્યો હતો. બંને લોકો સોસાયટી પાસે આવેલા મેદાનમાં જાદુગરનો શો જોવા માટે ચાલતા ચાલતા જઈ રહ્યા હતા. તે દરમિયાન રખડતા ઢોરે બે પિતરાઈ ભાઈને અડફેટે લીધા હતા. યુવકને છાતીના નીચે સામાન્ય ક્રેક અને બાળકને ફ્રેકચર થયું હતું.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
ગુજરાતના તમામ જિલ્લાના સમાચાર વાંચવા માટે જોડાયેલા રહો…
