ધારાસભ્યની હાજરીમાં જ ભાજપના મહામંત્રી પર ઘાતકી હુમલો, ખાતમૂહ્રત દરિમયાન થઈ ભાગમભાગી – જુઓ Video

અમરેલી જિલ્લાના લાઠી તાલુકાના દામનગરમાં એક કાર્યક્રમ દરમિયાન ભાજપના મહામંત્રી પર જાનલેવા હુમલો થવાની ઘટના સામે આવી છે. દામનગરમાં ખાતમૂહ્રત વિધિ ચાલી રહી હતી, તે સમયે જ મહામંત્રી પ્રકાશ તજા પર ઘાતકી હથિયારો વડે હુમલો કરવામાં આવ્યો હતો.

આ હુમલાનો આક્ષેપ અમરેલી જિલ્લા મધ્યસ્થ સહકારી બેંકના ડિરેક્ટર હીરાભાઈ નવાપરા પર લગાવવામાં આવ્યો છે. મહત્વની વાત એ છે કે, આ હુમલો સ્થાનિક ધારાસભ્ય (MLA) ની હાજરીમાં જ થયો હોવાનું સામે આવ્યું છે. ઘાતકી હથિયારો સાથે થયેલા આ હુમલાને પગલે કાર્યક્રમમાં હાજર કાર્યકરોમાં ભારે નાસભાગ મચી ગઈ હતી.

હુમલામાં ઈજાગ્રસ્ત થયેલા પ્રકાશ તજાને તાત્કાલિક સારવાર માટે હોસ્પિટલ ખસેડવામાં આવ્યા છે. આ સમગ્ર મામલે લાઠીના ધારાસભ્યનું નિવેદન પણ સામે આવ્યું છે. આમાં તેમણે જણાવ્યું છે કે, આ હુમલો જૂની અદાવતને કારણે કરવામાં આવ્યો છે. પોલીસે હાલમાં આ ઘટના અંગે વધુ તપાસ હાથ ધરી છે.