Breaking News : હાઈકોર્ટનો ઝટકો! આસારામ પાસેથી મોટેરા આશ્રમ છીનવાયો, 45,000 ચોરસ મીટર જમીન પર સરકારનો કબ્જો, જુઓ Video

ગુજરાત હાઈકોર્ટે આસારામના મોટેરા આશ્રમ સાથે સંકળાયેલી 45,000 ચોરસ મીટર જમીનના કબજા અંગે એક ઐતિહાસિક નિર્ણય સંભળાવ્યો છે, જેમાં રાજ્ય સરકારને આ જમીન પરત લેવાની મંજૂરી આપવામાં આવી છે. આ ચુકાદો લાંબા સમયથી ચાલી રહેલા કાનૂની સંઘર્ષનો અંત લાવે છે અને મોટેરા આશ્રમને આસારામની માલિકીમાંથી મુક્ત કરે છે. હાઈકોર્ટે સ્પષ્ટ નિર્દેશ આપ્યા છે કે આ જમીન પર થયેલા 30થી વધુ ગેરકાયદે બાંધકામોને તોડી પાડવામાં આવે.

આ જમીન વર્ષો પહેલા આસારામને ધાર્મિક પ્રવૃત્તિઓ માટે ફાળવવામાં આવી હતી. જોકે સમય જતા આ જમીન અને તેની આસપાસનો વિસ્તાર ગેરકાયદેસર રીતે કબજે કરી લેવામાં આવ્યો હતો, જેના પરિણામે લાંબી કાયદાકીય પ્રક્રિયા શરૂ થઈ હતી. ગુજરાત હાઈકોર્ટ દ્વારા અપાયેલા આ મહત્વપૂર્ણ ચુકાદાથી હવે રાજ્ય સરકાર આ જમીનનો કબજો લઈ શકશે અને તેનો ઉપયોગ જાહેર હિતમાં કરી શકશે.

કોમનવેલ્થ 2030 માટે જમીનનો થશે ઉપયોગ

આ જમીનનો ઉપયોગ કોમનવેલ્થ 2030 માટે આધુનિક સ્પોર્ટ્સ કોમ્પ્લેક્સ બનાવવા માટે કરવામાં આવશે. આ પ્રોજેક્ટ ગુજરાતના સ્પોર્ટ્સ ઇન્ફ્રાસ્ટ્રક્ચરને વેગ આપશે અને રાજ્યને આંતરરાષ્ટ્રીય સ્તરના કાર્યક્રમોનું આયોજન કરવામાં મદદ કરશે. આ નવું સ્પોર્ટ્સ કોમ્પ્લેક્સ નરેન્દ્ર મોદી ક્રિકેટ સ્ટેડિયમ અને સરદાર પટેલ સ્પોર્ટ્સ એન્ક્લેવની નજીક, સાબરમતી નદીના કિનારે વિકસાવવામાં આવશે. આ વિકાસ રાજ્યના 2030 કોમનવેલ્થ યજમાનપદના સ્વપ્નને સાકાર કરવામાં મહત્વપૂર્ણ ભૂમિકા ભજવશે.

આધુનિક સ્પોર્ટ્સ સુવિધાઓ વિકસાવવાનું લક્ષ્ય

ગુજરાત સરકારે કોમનવેલ્થ ગેમ્સને ધ્યાનમાં રાખીને આધુનિક સ્પોર્ટ્સ સુવિધાઓ વિકસાવવાનું લક્ષ્ય રાખ્યું છે. આસારામ આશ્રમ દ્વારા ગેરકાયદેસર રીતે પચાવી પાડવામાં આવેલી જમીન હવે આ મહત્વાકાંક્ષી પ્રોજેક્ટનો એક ભાગ બનશે. હાઈકોર્ટના આદેશને પગલે ગેરકાયદેસર બાંધકામોને ઝડપથી દૂર કરવા અને જમીનને વિકાસ માટે તૈયાર કરવા માટે યુદ્ધના ધોરણે કામગીરી હાથ ધરવામાં આવશે. આ નિર્ણય કાયદાના શાસન અને જાહેર હેતુ માટે ગેરકાયદેસર કબજામાંથી જમીનને મુક્ત કરવાના સરકારના પ્રયાસોનું પ્રતીક છે. આનાથી અમદાવાદ અને ગુજરાતમાં સ્પોર્ટ્સ ઇકોસિસ્ટમ માટે એક નવો યુગ શરૂ થશે.

Input Credit : Ronak Varma

અમદાવાદના સાણંદમાં દારૂની મહેફિલ પકડાઈ, ઉજવણીમાં દારૂ-હુક્કા! આ સ્ટોરી વાંચવા અહીં ક્લિક કરો