ગાંધીનગરમાં સોમવારે CMના નિવાસ સ્થાને મહત્ત્વપૂર્ણ બેઠક મળશે. લોકસભાની ચૂંટણી 2024ના પરિણામો ભાજપની અપેક્ષાની બહાર આવ્યા છે. ગુજરાતમાં પણ 26માંથી 25 બેઠક પર જ ભાજપે જીત મેળવી છે. ગુજરાતમાં પણ ભાજપની હેટ્રીક પર બનાસકાંઠા બેઠકથી રોક લાગી છે.
આ સોમવારે યોજાવાની બેઠકમાં ભાજપના લોકસભા ચૂંટણી પરિણામોની સમીક્ષા થશે. આ બેઠકમાં ભાજપ પ્રદેશ પ્રમુખ CR પાટીલ હાજર રહેશે. તેમજ નવા ચૂંટાયેલા તમામ સાંસદ અને રેખાબેન ચૌધરી હાજર રહેશે.
આ ઉપરાંત જિલ્લા પ્રમુખ તથા લોકસભા પ્રભારી પણ ઉપસ્થિત રહેશે. આ બેઠકમાં પરિણામો પર સંગઠનાત્મક, રચનાત્મક અને સામાજિક મુદ્દાઓની ચર્ચા થશે. આ બેઠકમાં તમામ ઉમેદવારોને પણ બોલાવવામાં આવ્યા છે.
ગુજરાતના તમામ જિલ્લાના સમાચાર વાંચવા માટે અહીં ક્લિક કરો