ભાવનગર: તળાજામાં થયેલી 7.5 લાખની લૂંટનો ઉકેલાયો ભેદ, 4 શખ્સોની પોલીસે કરી ધરપકડ- વીડિયો

ભાવનગરના તળાજામાં ભરબજારે થયેલી 7.5 લાખની લૂંટનો ભેદ પોલીસે ઉકેલ્યો છે. પોતાના મોજશોખ પૂરા કરવા માટે લૂંટ ચલાવનાર ગેંગના 4 સભ્યોને પોલીસે ભાવનગરથી ઝડપી પાડ્યા છે. સમગ્ર ઘટના જોઇએ તો તળાજામાં પહલ ફાયનાન્સ બ્રાન્ચમાં નોકરી કરતા હેતલબેન ભાલીયા બેંકમાં કલેક્શન જમા કરાવવા જઈ રહ્યા હતા, આ દરમિયાન લૂંટારૂઓએ તેમનું રૂપિયા ભરેલું પર્સ ઝૂંટવી લૂંટની ઘટનાને અંજામ આપ્યો. આરોપીઓએ ચલાવેલી લૂંટના સીસીટીવી ફૂટેજ પણ સામે આવ્યા છે.

આ પણ વાંચો: ભાવનગર: મહુવા માર્કેટિંગ યાર્ડમાં કપાસની આવક, પૂરતા ભાવ ન મળતા ખેડૂતો નિરાશ- વીડિયો

ઘટના બાદ પોલીસે તપાસ હાથ ધરી ચારેય આરોપીઓ નિલેશ મેર, કલ્પેશ દેવમુરારી, જગદીશ વ્યાસ અને મનિષ બામણીયાને દબોચી લીધા. આ લૂંટના ગુનામાં પોલીસે 5 લાખથી વધુની રોકડ સહિત લૂંટમાં ઉપયોગમાં લેવાયેલ લાઇટર પિસ્તોલ, છરો તેમજ અન્ય મુદ્દામાલ રિકવર કર્યો છે. પોલીસની તપાસમાં સામે આવ્યું છે કે ફાયનાન્સ કંપનીના કર્મચારીએ જ આરોપીઓને ટીપ્સ આપી હતી. આ ટોળકી અગાઉ આંગડીયા પેઢીને ટાર્ગેટ બનાવી 15 થી 20 લાખની લૂંટ ચલાવવાની ફિરાકમાં હતી. પરંતુ તે પ્લાન નિષ્ફળ જતા તળાજામાં લૂંટ ચલાવી હતી. 4 પૈકી 2 આરોપીઓ ગુનાહિત ઇતિહાસ ધરાવતા હોવાનું પણ ખૂલ્યું છે.

ભાવનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો