ભાવનગર: લો બોલો દંડ વસુલતી પોલીસને જ ફટકારવામાં આવ્યો 15 થી 20 હજારનો દંડ- જાણો કેમ- વીડિયો
ભાવનગરમાં દંડ વસુલતી પોલીસને જ દંડ થયો છે. પોલીસ અધિકારીઓને 15 થી 20 હજારનો દંડ ફટકારવામાં આવ્યો છે. કંટ્રોલ રૂમે રેન્જ આઈજીનો ફોન ન ઉપાડતા કાર્યવાહી થઈ છે. રેન્જ આઈજીનો ફોન કંટ્રોલ રૂમે રિસિવ ન કરતા રેન્જ આઈજીએ રૂબરૂ મુલાકાત લીધી અને કાર્યવાહી કરી હતી.
ભાવનગરના પોલીસકર્મીઓને જ દંડ ભરવાનો વારો આવ્યો છે. બનાવ બે દિવસ પહેલાનો છે. રેન્જ આઈજી ગૌતમ પરમારના બંગલા પાસે લાઉડ સ્પીકર વાગી રહ્યુ હતુ. એ સમયે IGએ કંટ્રોલ વિભાગને જાણ કરવા માટે કંટ્રોલ રૂમ પર ફોન લગાવ્યો હતો. જો કે કંટ્રોલ વિભાગમાંથી કોઈ કારણોસર IGનો ફોન રિસિવ થયો ન હતો. આથી રેન્જ આઈજીએ કડક પગલા લેતા પોલીસકર્મીઓ સામે જ દંડનીય કાર્યવાહી કરી છે.
પોલીસ સૂત્રો પાસેથી મળતી જાણકારી અનુસાર ભાવનગરના પાંચ ડિવિઝન હેઠળ આવતા પોલીસ સ્ટેશનમાં રાત્રિના સમયે જેમની ડ્યુટી હતી તે અધિકારીઓને પણ 15 થી 20 હજાર સુધીનો દંડ ફટકારવામાં આવ્યો છે. સવાલ એ છે કે જો ભાવનગર રેન્જ આઈજીનો પણ કંટ્રોલ વિભાગ ફોન ઉપાડતુ ન હોય તો સામાન્ય નાગરિકનુ તો શું થતુ હશે. હાલ તો રેન્જ આઈજીની કાર્યવાહીથી પોલીસ બેડામાં ખળભળાટ મચી ગયો છે. સામાન્ય જનતાને જે સમસ્યાનો સામનો કરવો પડે છે તેવો અનુભવ રેન્જ આઈજીને પણ થયો હતો.
Input Credit- Ajit Gadhvi- Bhavnagar
ભાવનગર સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો