Bhavnagar : જિલ્લામાં લમ્પીનું સંક્રમણ અનિયંત્રિત થતા પશુપાલકો ચિંતિત, એક જ દિવસમાં 13 પશુનાં મોત
જિલ્લાના 437 ગ્રામ્ય વિસ્તારોમાં લમ્પી વાયરસ ફેલાઈ ચૂક્યો છે. ભાવનગર જિલ્લામાં અત્યાર સુધીમાં લમ્પી વાયરસના કુલ 4,865 કેસ નોંધાયા છે. ભાવનગરમાં અત્યાર સુધીમાં કુલ 2,29,147નું રસીકરણ કરવામાં આવ્યું છે. બીજી તરફ પશુઓમાં જીવલેણ સાબિત થયેલા લમ્પીનું સંક્રમણ અનિયંત્રિત રહેતા પશુપાલકોમાં ગભરાટ ફેલાયો છે.
રાજ્યના કેટલાક જિલ્લાઓમાં હજુ પણ લમ્પી વાયરસનો (Lumpy virous) કેર યથાવત્ છે. ત્યારે ભાવનગર (Bhavnagar) જિલ્લામાં એક જ દિવસમાં 13 પશુઓનાં લમ્પી વાયરસથી મોત થયા છે. જ્યારે 364 નવા કેસ પણ સામે આવ્યા છે. પશુપાલન વિભાગ (Department of Animal Husbandry ) અનુસાર જિલ્લાના 437 ગ્રામ્ય વિસ્તારોમાં લમ્પી વાયરસ ફેલાઈ ચૂક્યો છે. ભાવનગર જિલ્લામાં અત્યાર સુધીમાં લમ્પી વાયરસના કુલ 4,865 કેસ નોંધાયા છે. ભાવનગરમાં અત્યાર સુધીમાં કુલ 2,29,147નું રસીકરણ કરવામાં આવ્યું છે. બીજી તરફ પશુઓમાં જીવલેણ સાબિત થયેલા લમ્પીનું સંક્રમણ અનિયંત્રિત રહેતા પશુપાલકોમાં ગભરાટ ફેલાયો છે.
ભાવનગરમાં લમ્પીના નવા 437 કેસ નોંધાયા
જિલ્લામાં લમ્પી વાયરસનો કેર યથાવત છે અને લમ્પીથી વધુ 13 પશુનાં મોત થયા છે અને 437 ગ્રામ્યમાં લમ્પી વાયરસ ફેલાયો છે આ વાયરસને કારણે પશુપાલકોમાં ચિંતાનું મોજું ફરી વળ્યું છે. રાજ્યભરમાંલમ્પી વાયરસ (Lumpy virus) હાહાકાર મચાવી રહ્યો છે. બનાસકાંઠાના વાવ તાલુકામાં લમ્પી વાયરસની વધુ અસર જોવા મળી રહી છે, ત્યારે વાવ તાલુકામાં (Vav Taluka) લમ્પી વાયરસથી પશુઓના મોત મામલે સરપંચ એસોસિએશને આંકડા જાહેર કર્યા છે. સરપંચ એસોસિએશનના (Sarpanch Association)આંકડા અને સરકારી આંકડામાં મોટો ફરક જોવા મળી રહ્યો છે. સરપંચ એસોસિએશનનો આરોપ છે કે વાવ તાલુકાના 54 ગામમાં લમ્પીના કારણે 5 હજાર 163 પશુના (Cattle) મોત થયા છે. પરંતુ સરકારી ચોપડે માત્ર એક હજાર પશુના મોતનો આંકડો બતાવવામાં આવ્યો છે. સરપંચ એસોસિએશને CMને પત્ર લખી પશુઓના મોત અંગે સર્વે કરી પશુપાલકોને સહાય આપવા માગ કરી છે.
પશુઓના મોત અંગે સર્વે કરી પશુપાલકોને સહાય આપવા માગ
સમગ્ર રાજ્યમાં લમ્પી વાયરસે હાહાકાર મચાવ્યો છે. જેમાં સૌથી વધુ અસર કચ્છ અને બનાસકાંઠામાં જોવા મળી રહી છે.દાંતીવાડા કૃષિ યુનિવર્સિટીમાં (Dantiwada Agriculture University)લમ્પી વાયરસે ફરીથી માથુ ઉંચક્યુ છે.એક સાથે 19 ગાયના મોત થયા છે