Anand : પેટલાદમાં બેંકના કર્મચારીઓએ 45 લાખથી વધુની કરી ઉચાપત, જુઓ Video

આણંદમાં બેક કર્મચારીઓ દ્વારા જ બેંકમાં ઉચાપત કરી હોવાની ફરિયાદ પોલીસ સ્ટેશન ખાતે નોંધાઈ હતી. ફિલ્ડ સેલ્સ મેનેજર અને રિલેશન મેનેજરે ખોટા દસ્તાવેજનો ઉપયોગ કરી બેંક સાથે છેતરપિંડીના આચરી. સમગ્ર ઘટનાને લઇ બેંકના 6 કર્મચારીઓ સામે ગુનો નોંધાયો છે.

આણંદ જિલ્લાના પેટલાદમાં આવેલી HDFC બેંકમાં સેલ્સ ફિલ્ડ ઓફિસર તરીકે કામ કરતા પાંચ અને એક રિલેશન મેનેજર તરીકે ફરજ બજાવતા એમ 6 કર્મચારીઓએ ગ્રાહકોને વેપાર, ગૃહ ઉદ્યોગ તેમજ સખી મંડળની બહેનોને લોન આપી હતી. જેના હપ્તા ગ્રાહકો પાસેથી લીધા બાદ બેંકમાં ભર્યા ન હતા

રીલેશનશીપ મેનેજરે પોતાના હોદ્દાનો દૂર ઉપયોગ કરી ખોટા દસ્તાવેજ ઉભા કરી સહી સિક્કા મારી બોગસ લેટર બનાવી ગ્રાહકો સાથે કુલ 45,06,964 રૂપિયાની છેતરપિંડી કરી હતી.

આ બાબતે અમદાવાદ ખાતેના બેંકના ક્લસ્ટર મેનેજર તરીકે ફરજ બજાવતા અર્પિત મહેશભાઈ પંચાલે ફિલ્ડમાં તપાસ કરતા બેંકના દસ્તાવેજો ખોટા હોવાનું ખબર પડતાં તે તાત્કાલિક પેટલાદ દોડી આવી આ કામના 6 આરોપીઓ વિરુદ્ધ પોલીસ સ્ટેશનમાં ફરિયાદ નોધાવી હતી. જોકે આ બાદ પોલીસે તમામ આરોપીઓની અટકાયત કરવામાં આવી.

આરોપીના નામ

• અર્જુન બચુભાઈ નાયક
• ઘનશ્યામભાઈ મનુભાઈ સોલંકી
• ધિરેન્દ્રકુમાર ભુપેન્દ્રભાઈ જાદવ
• રજનીકાંત બાબુભાઈ મકવાણા
• હિતેન્દ્રકુમાર પંકજભાઈ પરમાર
• નીલયકુમાર મણીલાલ ચૌધરી

આ તમામ લોકો સામે ફરિયાદ નોંધાવતા પોલીસે ગુનો નોંધી પાંચ આરોપીઓની ધરપકડ કરી કાયદેસરની કાર્યવાહી હાથ ધરી છે.

આ પણ વાંચો : Anand News : તાજેતરમાં પડેલા વરસાદની અસર શાકભાજી પાકો પર જોવા મળી, છેલ્લા ચાર દિવસથી ભાવમાં ભડકો