Amreli: ચલાલા નજીક વાવડી ગામમાં સાવજોના ટોળાની લટાર CCTVમાં કેદ – જુઓ Video
Amreli: ચલાલા નજીક આવેલા વાવડી ગામમાં સાવજોનું ટોળાએ ગામમાં લટાર લગાવી હતી. જેમા કેટલાક સિંહણો અને પાઠડા દેખાઈ રહ્યા છે. સિંહોની લટારના આ દૃશ્યો સીસીટીવી કેમેરામાં કેદ થયા છે. ત્યારે ગામલોકોમાં પણ ફફડાટ ફેલાયો છે.
Amreli : અમરેલીના ચલાલાના વાવડી ગામે સિંહોની લટારના દૃશ્યો સામે આવ્યા છે. વાવડી ગામે શનિવારે રાત્રે ગામની બજારમાં 7 સાવજો જાણે લટાર મારવા નીકળ્યા હોય તેમ ગામમાં આંટાફેરા કરતા જોવા મળી રહ્યા છે. ડાલામથ્થા સાવજોની આ લટાર સીસીટીવી કેમેરામાં કેદ થઈ છે.
વાવડી ગામમાં આ પ્રકારે અનેકવાર સિંહો આવી ચડે છે. આ વિસ્તારમાં સાવજોએ ઘણા સમયથી તેમના ડેરાતંબુ તાણીને પોતાનું કાયમી રહેણાંક બનાવ્યુ હોય તેવુ અહીંના સ્થાનિકોનું કહેવુ છે. સ્થાનિકોના જણાવ્યા મુજબ અવારનવાર અહીં સિંહો આંટાફેરા કરતા જોવા મળે છે.
આ પણ વાંચો : Gujarati Video : રાજુલાનો ધાતરવડી-2 ડેમ સતત બીજીવાર થયો ઓવરફ્લો, આસપાસના 10 ગામોને હાઈએલર્ટની સૂચના
હાલ ચોમાસાની સીઝનમાં જંગલોમાં જીવજંતુઓ અને મચ્છરોનો ઉપદ્રવ વધતા સિંહો બહાર ખુલ્લામાં નીકળી જાય છે. આ જ કારણોથી અહીંના સિંહો અવારનવાર ગામ બાજુ આંટાફેરા મારતા દૃશ્યો સામે આવતા રહે છે. હાલ વાવડી ગામમાં છેલ્લા ઘણા સમયથી સિંહોએ આ પ્રકારે તેમનુ રહેઠાણ બનાવ્યુ છે તેને લઈને ગામલોકોમાં પણ ભયનો માહોલ છે. વરસાદી સીજનમાં સિંહો જંગલ વિસ્તારની બહાર વધુ ફરે છે અને આમતેમ લટાર મારતા રહે છે. અમરેલી અને ગીરના અનેક ગામડાઓમાં આ પ્રકારે સિંહો આંટાફેરાની ઘટના સામે આવતી રહે છે. સિંહો ઘણીવાર શિકાર અને પાણીની શોધમાં પણ ગામ તરફ આવી જાય છે.
Input Credit- Jaydev Kathi- Amreli
અમરેલી સહિત ગુજરાત ના તમામ જિલ્લાના સમાચાર વાંચવા માટે અહીં ક્લિક કરો
