News9 Global Summit Day 2 : ભારતના લોકોનું જીવન કેવી રીતે બદલાશે?…જ્યોતિરાદિત્ય સિંધિયાએ જણાવ્યો પ્લાન
News9 Global Summit Germany : ન્યૂઝ9 ગ્લોબલ સમિટના બીજા દિવસે કેન્દ્રીય મંત્રી જ્યોતિરાદિત્ય સિંધિયાએ કહ્યું કે ભારતે છેલ્લા દસ વર્ષમાં વિકાસની પરિવર્તનકારી યાત્રા જોઈ છે. પીએમ મોદીના માર્ગદર્શન હેઠળ ભારતે નવી ઊંચાઈઓને સ્પર્શી છે. તેમના નેતૃત્વમાં દેશના વિકાસમાં 180 ડિગ્રી પરિવર્તન આવ્યું છે.
News9 Global Summit Germany : ટીવી9 નેટવર્કની ન્યૂઝ9 ગ્લોબલ સમિટ જર્મનીના સ્ટુટગાર્ટમાં ચાલી રહી છે. TV9 ના MD અને CEO બરુણ દાસે ગોલ્ડન બોલ સત્રનું ઉદ્ઘાટન કર્યું. તેમણે કેન્દ્રીય પ્રધાન જ્યોતિરાદિત્ય સિંધિયા તેમજ જર્મનીના બેડન-વર્ટેમબર્ગના પ્રધાન-પ્રમુખ વિનફ્રિડ ક્રેટ્સમેનનું સ્વાગત કરતી વખતે ફેડરલ પ્રધાન સેમ ઓઝડેમિરના સંબોધનની પ્રશંસા કરી.
India: The Biggest Turnaround Story વિષય પર બોલતા જ્યોતિરાદિત્ય સિંધિયાએ કહ્યું કે, મેં ગઈકાલે કહ્યું તેમ ભારત અને જર્મની વચ્ચેના સંબંધો ઐતિહાસિક રહ્યા છે. જો તમે ઈતિહાસના પાના ફેરવો તો તમને જણાશે કે સંસ્કૃતિએ દેશોના ઉતાર-ચઢાવ જોયા છે. જ્યાં સુધી ભારતનો સવાલ છે, એક દાયકામાં પીએમ મોદીના નેતૃત્વમાં દેશે પરિવર્તનની સફર જોઈ છે.
