અમરેલી: વડિયામાંથી નશાયુક્ત આયુર્વેદિક સિરપની 280 બોટલ ઝડપાઈ, એક આરોપીની કરાઈ અટકાયત

અમરેલી: વડિયામાંથી નશાયુક્ત આયુર્વેદિક સિરપનો જથ્થો ઝડપાયો છે. નશાયુક્ત સિરપની 280 બોટલની 7 પેટી જપ્ત કરવામાં આવી છે. સિરપના જથ્થા સાથે એક આરોપીની અટકાયત કરવામાં આવી છે. પોલીસે પાનની દુકાન ચલાવતા રાજેશ સાંગાણીના મકાનમાં દરોડા પાડ્યા હતા અને નશાયુક્ત સિરપની બોટલ મળી આવી હતી. ખેડામાં નશાયુક્ત સિરપ પીવાથી 5 લોકોના મોત બાદ પોલીસતંત્ર સફાળુ જાગ્યુ છે અને રાજ્યભરમાં દરોડા કરવામાં આવી રહ્યા છે.

આ પણ વાંચો : નશીલા સિરપને લઈને રાજ્યભરમાં દરોડા, રાજકોટ પોલીસે વિવિધ સ્થળોએ હાથ ધર્યુ ચેકિંગ- જુઓ વીડિયો

અમરેલીના બાબરા નગરપાલિકાના મહિલા સદસ્યના પતિના ગોડાઉન પર પણ દરોડા કરવામાં આવ્યા હતા અને 3000થી વધુ આયુર્વેદિક સિરપની બોટલ જપ્ત કરવામાં આવી હતી. અંદાજે 4.50 લાખથી વધુની કિંમતની 3 હજાર બોટલ મળી આવી હતી. હાલ પોલીસે આ બોટલનો જથ્થો જપ્ત કરી લીધો છે અને પકડાયેલો જથ્થો FSLમાં તપાસ માટે મોકલવામાં આવશે.
આ અગાઉ પણ મહિલા નગરસેવકના પતિના ગોડાઉનમાંથી 60 લાખથી વધુની કિંમતની સિરપની બોટલ જપ્ત કરવામાં આવી હતી.

અમરેલી સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો