રાજકોટ વીડિયો : જસદણ પંથકમાં કાર ચાલકે કાબૂ ગુમાવતા સર્જાયો અકસ્માત, બે લોકો સારવાર હેઠળ

રાજ્યમાં અવારનવાર અકસ્માતની ઘટના સામે આવતી હોય છે. ત્યારે રાજકોટમાં અકસ્માતની ઘટના બની છે. રાજકોટના જસદણના આટકોટ-કરણુંકી રોડ પર અકસ્માતની ઘટના બની હોવાનું સામે આવ્યુ છે. અકસ્માતમાં ગરણી ગામની 50 વર્ષીય મહિલાનું મોત નિપજ્યુ છે. કાર ચાલકે કાબૂ ગુમાવતા અકસ્માત સર્જાયો હતો. જેના પગલે બે લોકો ગંભીર રીતે ઈજાગ્રસ્ત થયા હતા. જેઓને તાત્કાલિક સારવાર અર્થે હોસ્પિટસ ખસેડવામાં આવે છે.

તો ગઈકાલે જામનગરના નાની બાણુગર ગામ નજીક બાઈકને અડફેટે લીધી હતી. જેમાં બાઈકચાલકનુ મોત નીપજ્યું હતુ. દંપતીને અડફેટે લેનાર BMW કારચાલકની પોલીસે અટકાયત કરી છે. ઘટના જામનગર-રાજકોટ હાઈવે પર આવેલા નાની બાણુગર ગામના પાટિયા પાસેની છે. જ્યાંથી દિનેશ મકવાણા નામના વ્યક્તિ અને તેમની પત્ની અનિતા મકવાણા ટુ-વ્હીલર પર જઈ રહ્યા હતા.

આ દરમિયાન BMW કારચાલકે પાછળથી ટક્કર મારતાં દિનેશ મકવાણાનું ઘટનાસ્થળે જ મોત થયું હતું.જ્યારે તેમની પત્ની અનિતાને ઈજા પહોંચતા સારવાર માટે હોસ્પિટલમાં લઈ જવાઈ હતી. ઘટનાની જાણ થતાં જ પોલીસે ગણતરીના કલાકોમાં આરોપીને ઝડપી પાડ્યો છે.