ગ્રામ પંચાયતની ચૂંટણી માટે સવારે 11 વાગે સુધીમાં 17 ટકા મતદાન

ગુજરાત(Gujarat)  વિધાનસભા-2022ની ચૂંટણી અગાઉ, રાજ્યમાં આજે ગ્રામ પંચાયતની ચૂંટણી( Gram Panchayt Election)  માટે મતદાન શરૂ થયું છે. જેમાં રાજ્યના ગ્રામીણ વિસ્તારમાં ઠંડીની મોસમ વચ્ચે પણ ધીમી ગતિએ મતદાન થઈ રહ્યું છે, જેમાં સવારે 11 વાગે સુધીમાં સરેરાશ  17 ટકા જેટલુ મતદાન(Voter Turn Out)  નોંધાયું છે.

ગુજરાત વિધાનસભા-2022ની ચૂંટણી અગાઉ, રાજ્યમાં આજે ગ્રામ પંચાયતની ચૂંટણી માટે મતદાન શરૂ થયું છે. જેમાં  રાજ્યની કુલ 8,684 ગ્રામ પંચાયત માટે  કુલ 27 હજાર 200 સરપંચોનું ભાવિ નક્કી થશે. તો 1 લાખ 19 હજાર 998 સભ્યો વચ્ચે ચૂંટણીનો સીધો જંગ જામશે. મતદારોની વાત કરીએ તો, ગ્રામ પંચાયતની ચૂંટણીમાં 1 કરોડ 82 લાખ 15 હજાર મતદારો મતાધિકારનો ઉપયોગ કરશે. જેમાં 93 લાખ 69 હજાર 202 પુરૂષ મતદારો અને 88 લાખ 45 હજાર 811 મહિલા મતદારો મતાધિકારનો ઉપયોગ કરશે.

ગ્રામ પંચાયતની ચૂંટણીના ચિત્ર પર નજર કરીએ તો, લ 23 હજાર 97 મતદાન મથકો પર મતદાન પ્રક્રિયા હાથ ધરાશે. જેમાંથી 6 હજાર 656 મતદાન મથકો સંવેદશીલ છે, તો 3 હજાર 74 મતદાન મથકો અતિ સંવેદનશીલ છે. તો કુલ 10 હજાર 812 ગ્રામ પંચાયતમાંથી 1 હજાર 167 ગ્રામ પંચાયતો બીનહરિફ થઈ છે. જ્યારે 9 હજાર 669 સભ્ય બીનહરીફ ચૂંટાયા છે. તો 6 હજાર 446 ગ્રામ પંચાયતો અંશતઃ બિનહરીફ છે. જેમાંથી કુલ 4 હજાર 511 સરપંચ અને 26 હજાર 254 સભ્ય બિનહરીફ થયા છે.

આ પણ  વાંચો: મહિસાગરના ભંડારા ગામે નિયમોનો ભંગ, રાજ્ય કક્ષાના મંત્રી કુંબેર ડીંડોર માટે નિયમ તોડાયાનો આક્ષેપ

આ પણ વાંચો: Rajkot: MLA કુંવરજી બાવળિયાએ મત આપીને કટાક્ષ કર્યો, ‘કમળો હોય તેને પીળું જ દેખાય’, જાણો સમગ્ર વિગત