Viral: મહિલાએ તૈયાર કર્યા કોરોના વડા, યુઝર્સ બોલ્યા ‘ભારત કી નારી સબ પર ભારી’

વર્ષ 2019માં કોરોનાવાયરસ (Coronavirus)ના આગમન પછી લોકોનું જીવન સંપૂર્ણપણે બદલાઈ ગયું છે. બે વર્ષ પછી પણ દરેક વ્યક્તિ આ રોગચાળાથી પીડિત છે, પરંતુ કેટલાક લોકો એવા પણ હતા જેમણે રચનાત્મક રીતે ખાદ્યપદાર્થોના પ્રયોગો કર્યા અને ત્યારથી આજ સુધી આ પ્રક્રિયા અટકવાનું નામ નથી લઈ રહી. તાજેતરમાં સોશિયલ મીડિયા પર કંઈક આવું જ બન્યું છે. આ જોયા પછી તમે પણ એક ક્ષણ માટે ચોંકી જશો.

જો તમને યાદ હોય તો વર્ષ 2020માં કોલકાતાના એક દુકાનદારે કોરોના સંદેશ (Corona Sandesh Sweet) સ્વીટ નામની મીઠાઈ બનાવી હતી, જેને જોઈને સોશિયલ મીડિયા યુઝર્સ દંગ રહી ગયા હતા. હવે આવું જ એક કારનામું એક મહિલાએ કર્યું છે, જેમાં તેણે કોરોનાના આકાર જેવા દેખાતા વડા બનાવ્યા છે.

Corona vada! Bharat ki naari sab par bhaari! .@arindam75 pic.twitter.com/sf1zoLPih2

— Mimpi🍁 (@mimpful) January 19, 2022

વાયરલ થઈ રહેલા વીડિયોમાં મહિલા ચોખાનો લોટ ભેળવે છે અને પછી બટાકામાં ડુંગળી-ટામેટાંનું સ્ટફિંગ તૈયાર કરે છે. આ પછી, આ સ્ટફિંગને લોટની અંદર ભરીને, મહિલા તેને કાચા ચોખાથી કોટ કરે છે અને તેને વરાળમાં સારી રીતે રાંધે છે અને પછી તેને પાણીમાં પલાળેલા ચોખાથી લપેટી લે છે, જે બરાબર કોરોના વાયરસના સ્પાઇક્સ જેવા દેખાય છે.

ટ્વિટર પર Mimpi નામના એકાઉન્ટ દ્વારા આ વીડિયો શેર કરવામાં આવ્યો છે. જેની સાથે તેણે કેપ્શન લખ્યું- કોરોના વડા, ભારત કી નારી સબ પર ભારી.’ જેને સમાચાર લખ્યા ત્યાં સુધી પાંચ હજારથી વધુ વ્યૂઝ મળ્યા છે અને ઘણા યુઝર્સે તેના પર કોમેન્ટ કરીને પોતાની પ્રતિક્રિયા આપી છે.

એક યુઝરે વીડિયો પર કોમેન્ટ કરતા લખ્યું કે, ‘આ વડા ખૂબ જ સ્વાદિષ્ટ લાગે છે, શું ખાવાથી કોરોના નહીં થાય.’ જ્યારે અન્ય એક યુઝરે લખ્યું, ‘જ્યારે કોરોના થશે ત્યારે કોરોના વડા બનાવો, અન્ય એક યુઝરે વીડિયો પર કમેન્ટ કરી. અને લખ્યું, ‘આ રીતે કોરોનાને હરાવી શકાય છે.’

આ પણ વાંચો: Viral: બે બિલાડીઓએ પૂછડી વડે બનાવ્યું દિલ, લાખો લોકોને ખુબજ પસંદ આવ્યો આ વીડિયો

આ પણ વાંચો: Viral: પોતાના જ લગ્નમાં પૈસા સરકાવતા જોવા મળ્યા દુલ્હા-દુલ્હન, લોકો બોલ્યા ‘બન્ને સરખા ભેગા થયા’