અચાનક એવું તો શું બન્યુ કે યુક્રેનના ધારાસભ્યએ રશિયન પ્રતિનિધિને માર્યો જોરદાર મુક્કો ? ઘટનાનો VIDEO થયો VIRAL
યુક્રેનના ધારાસભ્ય ઓલેક્ઝાન્ડર મેરીકોવસ્કી એક અજાણ્યા રશિયન પ્રતિનિધિને ઝાપટ મારતા જોવા મળી રહ્યા છે. આ વીડિયો સામે આવતા જ ખડભડાટ મચી ગયો છે.
રશિયા અને યુક્રેન તણાવ વચ્ચે, સોશિયલ મીડિયા પર એક વીડિયો સામે આવ્યો છે જેમાં યુક્રેનના ધારાસભ્ય ઓલેક્ઝાન્ડર મેરીકોવસ્કી એક અજાણ્યા રશિયન પ્રતિનિધિને મુક્કો મારતા જોવા મળી રહ્યા છે. આ વીડિયો સામે આવતા જ ખડભડાટ મચી ગયો છે. તુર્કીની રાજધાની અંકારામાં એક કોન્ફરન્સ યોજાઈ હતી તે દરમિયાન ઓલેક્ઝાન્ડર એક અજાણ્યા રશિયન પ્રતિનિધિને મુક્કો મારતા જોવા મળી રહ્યા છે.
આ ઘટના ગુરુવારે બ્લેક સી ઇકોનોમિક કોઓપરેશન (PABSEC) ની સંસદીય એસેમ્બલીની 61મી સામાન્ય સભા દરમિયાન બની હતી. અહીં આ તમામ પ્રતિનિધિઓ આર્થિક, તકનીકી અને સામાજિક મોરચે બહુપક્ષીય અને દ્વિપક્ષીય સંબંધો વિકસાવવાની રીતો પર ચર્ચા કરવા માટે એકઠા થયા હતા.
વીડિયો થયો વાયરલ
કિવ પોસ્ટના ખાસ સંવાદદાતા અને રાજકીય સલાહકાર જેસન જે સ્માર્ટ દ્વારા આ વીડિયો ટ્વિટર પર શેર કરવામાં આવ્યો છે. શુક્રવાર સવાર સુધીમાં ક્લિપને 3 મિલિયનથી વધુ વખત જોવામાં આવી છે. મેરીકોવસ્કીએ તેના ફેસબુક એકાઉન્ટ પર ક્લિપ પણ પોસ્ટ કરી છે. ન્યૂઝવીકે પણ મેરીકોવસ્કીની પોસ્ટને ટાંકીને આ ઘટનાની જાણ કરી હતી.
🥊 In Ankara 🇹🇷, during the events of the Parliamentary Assembly of the Black Sea Economic Community, the representative of Russia 🇷🇺 tore the flag of Ukraine 🇺🇦 from the hands of a 🇺🇦 Member of Parliament.
The 🇺🇦 MP then punched the Russian in the face. pic.twitter.com/zUM8oK4IyN
— Jason Jay Smart (@officejjsmart) May 4, 2023
એડવોકેટ ઈબ્રાહિમ ઝીદને ટ્વિટ કર્યું, “તે ખરેખર તે પંચને લાયક હતો. અંકારામાં બ્લેક સી ઈકોનોમિક કોમ્યુનિટી ઈવેન્ટમાં રશિયાના પ્રતિનિધિએ ઝપાઝપી કરી, એમપી મેરીકોવસ્કીના હાથમાંથી બળજબરીથી યુક્રેનનો ધ્વજ છીનવી લીધો હતો.”
મેરીકોવ્સ્કીએ કેમ માર્યો મુક્કો?
સમિટ દરમિયાન, એક અજાણ્યા રશિયન પ્રતિનિધિ મેરીકોવ્સ્કીની નજીક આવતા વિડિયોમાં જોઈ શકાય છે, જેણે તેના દેશનો ધ્વજ પકડી રાખ્યો હતો. રશિયન પ્રતિનિધિએ મેરિકોવ્સ્કીના હાથમાંથી બળજબરીથી ધ્વજ લઈ લીધો, પરંતુ મેરિકોવ્સ્કીએ ધ્વજ મેળવવા માટે પ્રતિનિધિના ચહેરા પર મુક્કો માર્યો. આ દરમિયાન વાતાવરણ ઘણું બગડ્યું હતું. સુરક્ષા કર્મચારીઓએ બંનેને અલગ કર્યા અને બંને પક્ષોને ઝપાઝપી ન કરવા વિનંતી કરતા જોઈ શકાય છે.
રશિયા-યુક્રેન યુદ્ધ ગંભીર સ્થિતિમાં
આ ઘટના રશિયા અને યુક્રેન વચ્ચેના વધેલા તણાવને દર્શાવે છે, જે તાજેતરમાં અત્યંત અસ્થિર પરિસ્થિતિમાં છે. એક વર્ષ કરતાં વધુ સમય પછી પણ રશિયા અને યુક્રેન વચ્ચે યુદ્ધવિરામના કોઈ ચિહ્નો નથી. પુતિનના રશિયન લડવૈયાઓએ તાજેતરમાં પૂર્વી યુક્રેન પર હુમલા વધારી દીધા છે. ક્રેમલિન પર તાજેતરના ડ્રોન હુમલાથી રશિયા ગુસ્સે છે. તેણે આ માટે અમેરિકાને જવાબદાર ઠેરવ્યું હતું. જો કે, વોશિંગ્ટને આ આરોપને નકારી કાઢ્યો હતો.
