Viral Video: નારિયેળના ઝાડ પર બે દિપડાઓએ કરી ખતરનાક ફાઈટ, અંતે જે થયું તે જોઈને રહી જશો દંગ
હાલમાં જે વીડિયો (Leopard Viral Video) સામે આવ્યો છે તેમાં દીપડો વાંદરાની જેમ નાળિયેરના ઝાડ પર ચડતો જોવા મળી રહ્યો છે. વાયરલ ક્લિપ (Viral Video)માં બીજી જ ક્ષણે જે થાય છે તે જોઈને દરેક લોકો દંગ રહી ગયા હતા.
દીપડાની ગણતરી જંગલના ભયાનક પ્રાણીઓમાં પણ થાય છે. દેખાવમાં તે વાઘ અને સિંહ કરતાં ઘણો નાનો હોય છે, પરંતુ દિપડો આ બંનેની સરખામણીમાં ખૂબ જ સ્માર્ટ અને ચપળ છે. આ નિર્દય શિકારીની બીજી વિશેષતા એ છે કે તે તેના શિકારને મારીને તેને ઝાડ પર લઈ જાય છે અને તેનો આનંદ લે છે. આના પરથી અંદાજ લગાવી શકાય છે કે તે કેટલો શક્તિશાળી છે. હાલમાં જે વીડિયો (Leopard Viral Video) સામે આવ્યો છે તેમાં દીપડો વાંદરાની જેમ નાળિયેરના ઝાડ પર ચડતો જોવા મળી રહ્યો છે. વાયરલ ક્લિપ (Viral Video)માં બીજી જ ક્ષણે જે થાય છે તે જોઈને દરેક લોકો દંગ રહી ગયા હતા.
વાયરલ થઈ રહેલો આ વીડિયો મહારાષ્ટ્રના નાસિકના સિન્નર ગામનો છે. વીડિયોમાં દીપડો મકાઈના ખેતરની બાજુમાં નાળિયેરના ઝાડ પર ચડતો જોઈ શકાય છે. પહેલા તો તમને લાગશે કે તે કોઈ પ્રાણીનો શિકાર કરવા ઝાડ પર ચઢ્યો છે, પરંતુ બીજી જ ક્ષણે બીજો દીપડો તેને પકડવા માટે વીજળીની ગતિએ ચઢી ગયો. આ નજારો ખરેખર આશ્ચર્યજનક છે, કારણ કે તમે આવું ભાગ્યે જ જોયું હશે. વીડિયોમાં તમે જોઈ શકો છો કે બીજા દીપડાને જોતા જ ઝાડ પર ચડી ગયેલો દીપડો પોતાનો જીવ બચાવવા આંખના પલકારામાં ઝાડના ઉપરના ભાગમાં પહોંચી જાય છે.
દીપડાનો આ વીડિયો IFS ઓફિસર સુશાંત નંદાએ ટ્વિટર પર શેર કર્યો છે. તેણે લખ્યું છે કે, ‘જો તમે વિચારી રહ્યા હોવ કે દીપડો નારિયેળના ઝાડ પર કેમ ચઢ્યો, તો અંત સુધી જુઓ.’ 1 મિનિટ 17 સેકન્ડના આ વીડિયોને અત્યાર સુધીમાં 1.1 લાખથી વધુ વખત જોવામાં આવ્યો છે, જ્યારે 3 હજારથી વધુ લોકોએ લાઈક કર્યો છે. વીડિયો જોયા પછી ઘણા લોકોએ કમેન્ટ્સ કરી છે.
If you wondered why the leopard climbed a coconut tree, see till the end🥺 pic.twitter.com/ArEe8XR5o6
— Susanta Nanda IFS (@susantananda3) September 18, 2022
એકે લખ્યું છે કે, ‘આ વીડિયો મહારાષ્ટ્રના નાસિકનો છે.’ તો બીજાએ પૂછ્યું છે કે, ‘શું દીપડાને નારિયેળ તોડવાની તાલીમ આપી શકાય છે?’ અન્ય એક યુઝરે લખ્યું છે કે, ‘પહેલાં લાગ્યું કોઈનો જીવ લેવા માટે ઝાડ પર ચડ્યો. બાદમાં જાણવા મળ્યું હતું કે તે પોતાનો જીવ બચાવવા માટે ઝાડ પર ચડી ગયો હતો. એકંદરે, દીપડાના વીડિયોએ લોકોને આશ્ચર્યમાં મૂકી દીધા છે.