ઓનલાઈન હરાજીમાં રેકોર્ડ બ્રેક કિંમતમાં વેચાયેલા, આ ‘અનોખા ફૂલ’ માં શું છે ખાસ ?

કેટલાક લોકોને ફૂલોનો ખૂબ શોખ હોય છે અને તેઓ તેના માટે કોઈપણ કિંમત ચૂકવવા તૈયાર હોય છે. હાલમાં જ કંઈક આવું જ બન્યું જ્યારે ઓનલાઈન હરાજીમાં એક ખાસ ફૂલની કિંમત લાખો રૂપિયામાં બોલાઈ છે. શું તમે ક્યારેય ‘સ્નોડ્રોપ બલ્બ’ (Snowdrop Bulb) નામના ફૂલ વિશે સાંભળ્યું છે ? જો નહીં, તો ચાલો તમને જણાવીએ કે ‘સ્નોડ્રોપ બલ્બ’ શા માટે ખાસ છે. એનું નામ સૂચવે છે તેમ, સ્નોડ્રોપ્સ એ ખીલવા માટેના તમામ બારમાસી ફૂલોમાંથી એક છે. તેના છોડ ઠંડા વિસ્તારોમાં જ ટકી શકે છે.

સ્નોડ્રોપ બલ્બ કેવી રીતે ઉગાડવામાં આવે છે

સામાન્ય સ્નોડ્રોપ્સ નાના છોડના સ્વરૂપો છે. જેમાં નાના સફેદ ફૂલ ઉગે છે. આ ફૂલ ખીલે તે પહેલાં તેની દાંડીમાંથી ‘ડ્રોપ’ની જેમ નીચે લટકે છે. જ્યારે મોર આવે છે, ત્યારે ત્રણ બાહ્ય પાંખડીઓ ત્રણ આંતરિક પાંખડીઓ ઉપર બહાર નીકળે છે. પાંદડા અત્યંત નાના બ્લેડ જેવા આકારના હોય છે. જે લગભગ 4 ઇંચ લાંબા હોય છે. સ્નોડ્રોપ્સ બારમાસી છોડ છે, જે સમય જતાં ફેલાય છે.

યુકેમાં તેની ખૂબ માંગ

સ્નોડ્રોપ બલ્બ વિશ્વના ઘણા ભાગોમાં ઉગાડવામાં આવે છે. જો કે યુકેમાં તેની ખૂબ માંગ છે. સ્નોડ્રોપ બલ્બને ખાસ રીતે ઉગાડવામાં આવ્યું હતું અને હવે તેને ઓનલાઇન હરાજીમાં લાખો રૂપિયામાં વેચવામાં આવ્યું છે. સ્નોડ્રોપ બલ્બનું વૈજ્ઞાનિક નામ- ગૈલેંથસ પ્લિકૈટસ ગોલ્ડન ટિયર્સ (Galanthus plicatus Golden Tears) છે. જેનું સર્જન જૉ શર્મને (Joe Sharman) કર્યું હતું. આ ફૂલ ‘King of Snowdrops’ તરીકે ઓળખાય છે અને તેને એક અનામી કલેક્ટરે ખરીદ્યું હતું.

જાણો સ્નોડ્રોપ બલ્બની કિંમત

બ્રિટનમાં આવેલા કેમ્બ્રિજશાયરના કોટનહેમમાં જો શેરમેને તેનો પ્રથમ સ્નોડ્રોપ બલ્બ, ‘ગોલ્ડન ફ્લીસ’ (Golden Fleece) નામની એક સ્નોડ્રોપ બલ્બને વેચ્યો. જેને વધતા 18 વર્ષ લાગ્યા. તેની કિંમત £1,850 (લગભગ 1 લાખ 88 હજાર રૂપિયા) રાખવામાં આવી હતી. સ્નોડ્રોપના ચાહકો કહે છે કે, તે અન્ય સ્નોડ્રોપ ફૂલોથી ખૂબ જ અલગ છે. બાગાયતી લેખક વાલ બોર્ને જણાવ્યું હતું કે, ઓનલાઈન ઓક્શન વેબસાઈટ eBay પર ખરીદેલા સ્નોડ્રોપ બલ્બથી લોકોને આશ્ચર્ય થયું હતું. જો કે શરમને સ્નોડ્રોપની ઘેલછા વિશે કહ્યું, ‘આ ફૂલની સલામતી એક મોટી સમસ્યા છે.’

આ પણ વાંચો: Knowledge: કોણીમાં વાગે તો કરંટ જેવો અનુભવ થાય છે, જાણો શું છે તેની પાછળનું કારણ

આ પણ વાંચો: Knowledge: દેશનું એક એવુ ગામ જ્યાં સૌથી વધુ જોડિયા જન્મે છે, પરંતુ આવું કેમ થાય છે, જાણો કારણ