રાજસ્થાનમાં એક ખેડૂતે નાની ભૂલને કારણે તેની આખા જીવવી જમા પૂંજીને ઉધઈ ખાઈ ગઈ અને ₹5 લાખ ગુમાવા પડ્યા. બાલોત્રા જિલ્લાના એક ખેડૂતે તેના ખેતરમાં ગુપ્ત રીતે દાટેલા ₹5 લાખ ઉધઈના કારણે નાશ પામ્યા બાદ ભારે આર્થિક નુકસાન સહન કરવું પડ્યું. પચપદ્રાના રહેવાસી માંગીલાલ મેઘવાલે લગભગ એક વર્ષ પહેલા જમીનનો પ્લોટ વેચીને ₹5 લાખ કમાયા હતા. તે પૈસાનો ઉપયોગ પોતાના ખેતરમાં એક ઓરડો બનાવવા માટે કરવાનો હતો. જોકે, તેના પરિવારના સભ્યો ચોરી કરશે અથવા પૈસા ખર્ચ કરી નાખશે તે ડરથી, માંગીલાલે રોકડ ખેતરમાં ખાડો ખોદીને છુપાવી દીધી હતી.

ખેતરમાં પૈસા દાટી ભૂલી ગયો ખેડૂત

તેણે રોકડ પ્લાસ્ટિકની થેલીમાં મૂકી, ખાડો ખોદ્યો અને રાત્રે ગુપ્ત રીતે દાટી દીધી. તેણે આ વિશે તેના પરિવારને જાણ કરી ન હતી. મીડિયા રિપોર્ટ મુજબ, માંગીલાલને આલ્કોહોલની આદત છે, જેના કારણે તે ઘણીવાર વસ્તુ રાખીને ભૂલી જાય છે. થોડા સમય પછી, જ્યારે તેને ઓરડો બનાવવા માટે પૈસાની જરૂર પડી, ત્યારે તેને નોટોનું બંડલ યાદ આવ્યું પણ તેણે તે નોટો ક્યાં દાટી હતી તે ચોક્કસ જગ્યા યાદ ન આવી. તેણે દિવસો સુધી ખેતરમાં શોધખોળ કરી પણ પૈસા ન મળ્યા. તેનું ખેતર લગભગ 10 વીઘામાં ફેલાયેલું હતું, જેના કારણે શોધ વધુ મુશ્કેલ બની ગઈ.

(Video credit- hindi Goodreterns)

અંતે, તેણે પરિવારને જાણ કરી

આખરે, માંગીલાલે તેની પત્ની અને પુત્રોને છુપાવેલી રોકડ રકમ વિશે જણાવ્યું. શરૂઆતમાં, પરિવારે તેના પર વિશ્વાસ ન કર્યો, પરંતુ પછીથી તેઓ તેની સાથે શોધમાં જોડાયા. જ્યારે તેમને પૈસા ન મળ્યા, ત્યારે તેઓએ હાર માની લીધી અને ઘટના વિશે બીજા કોઈને કહ્યું નહીં. લગભગ એક વર્ષ પછી, ચોમાસાના આગમન સાથે, પરિવારે વાવણી માટે ખેતર તૈયાર કરવાનું શરૂ કર્યું. રાત્રે ખેતર ખેડતી વખતે, ટ્રેક્ટરે પ્લાસ્ટિકની થેલી શોધી કાઢી, જે સપાટી પર આવી. જોકે, અંધારાને કારણે, કોઈએ તેના પર ધ્યાન આપ્યું નહીં. બીજા દિવસે સવારે, ખેતરની વાડ પાસે કામ કરતી વખતે, માંગીલાલની પત્ની અને પુત્રને થેલી મળી. તેને ખોલતા 500-500ના બંડલ જોવા મળ્યા પણ ઉધઈ ખાઈ જતા બધી રોકડ ખરાબ થઈ ગઈ હતી. એક નોટ પણ સારી ન હતી.

બેંકે નોટો બદલવાનો ઇનકાર કર્યો

પરિવારે ક્ષતિગ્રસ્ત નોટો એકઠી કરી અને પચપદ્રામાં સ્ટેટ બેંક ઓફ ઇન્ડિયા (SBI) શાખાનો સંપર્ક કર્યો. જોકે, તેમની ખરાબ સ્થિતિને કારણે બેંકે તેમને સ્વીકારવાનો ઇનકાર કર્યો. ત્યારબાદ તેઓ બાલોત્રામાં મુખ્ય SBI શાખાની મુલાકાત લીધી, જ્યાં તેમને બેંકની જયપુર ઓફિસનો સંપર્ક કરવાની સલાહ આપવામાં આવી. જોકે, માંગીલાલના પરિવારનું કહેવું છે કે નાણાકીય મુશ્કેલીઓ અને જરૂરી પ્રક્રિયાઓ અંગે જાણકારીના અભાવે તેઓ જયપુર જઈ શકતા નથી.

Trending Video : થઈ ગયો કાંડ! નદી કિનારે રીલ બનાવવા જતા લપસી ગઈ યુવતી, Video થયો વાયરલ, આ સ્ટોરી વાંચવા અહીં ક્લિક કરો