પોરબંદરમાં જેટકો કંપની સામે ખેડૂતોએ માંડ્યો મોરચો, વળતર સહિતની પડતર માગને લઈને ઉગ્ર આંદોલનની ઉચ્ચારી ચીમકી- Video
પોરબંદરમાં ખેડૂતો GETCO દ્વારા વીજ લાઇન માટે અપૂરતા વળતર અને બોગસ સહીઓના આરોપ સાથે વિરોધ કરી રહ્યા છે. 300 થી વધુ ખેડૂતો યોગ્ય વળતર, પાક અને જમીનના નુકસાન બદલ વળતર તેમજ જવાબદારો સામે કાર્યવાહીની માંગણી કરી રહ્યા છે.
પોરબંદરમાં GETCO સામે ખેડૂતોનો ઉગ્ર વિરોધ જોવા મળી રહ્યો છે. વીજ લાઇન માટે જમીન અને પાકને થયેલા નુકસાનના યોગ્ય વળતર મુદ્દે ખેડૂતોમાં ભારે આક્રોશ જોવા મળી રહ્યો છે. બરડા પંથકના અંદાજે ૩૦૦ જેટલા ખેડૂતોએ GETCO દ્વારા વીજ ટ્રાન્સમિશન લાઇન પસાર કરવા બદલ પૂરતું વળતર ન મળવાનો આરોપ લગાવ્યો છે. ખેડૂતોનો આક્ષેપ છે કે કેટલાક અધિકારીઓએ છેતરપિંડી કરીને તેમની બોગસ સહીઓ કરી છે. આ બોગસ સહી કરનારા સામે કડક કાર્યવાહી કરવાની માંગ પણ કરવામાં આવી રહી છે.
ખેડૂતો વીજ વાયર અને થાંભલાના બદલામાં યોગ્ય વળતરની માંગ સાથે કલેક્ટર કચેરીએ આવેદનપત્ર સુપરત કરવા આવ્યા હતા. તેમની મુખ્ય માંગણી જમીનના ઉપયોગ અને પાકના નુકસાન સામે વાજબી વળતરની છે. જો તેમની માંગણીઓ સંતોષવામાં નહીં આવે, તો પોરબંદરના ખેડૂતોએ ઉગ્ર આંદોલનની ચીમકી ઉચ્ચારી છે. તેઓ જેટપુરમાં ચાલી રહેલી ક્રાંતિનું ઉદાહરણ આપી રહ્યા છે અને પરસ્પર સમર્થન સાથે આંદોલનને વધુ તીવ્ર બનાવવાની વાત કરી રહ્યા છે. ખેડૂતોએ સ્પષ્ટ કર્યું છે કે આ મુદ્દે સરકાર અને અધિકારીઓને ગંભીર પરિણામો ભોગવવા પડશે.
Breaking News: તહેવારો નજીક આવતા જ ઍરલાઈન કંપનીઓએ શરૂ કરી ઉઘાડી લૂંટ, હવાઈભાડામાં 70% સુધીનો કર્યો વધારો
પોરબંદરમાં GETCO સામે ખેડૂતોનો ઉગ્ર વિરોધ, વીજ લાઇનનું વળતર આપવા માગ
જુનાગઢમાં મીરાનગરના રહીશો અશાંત ધારાની માગ સાથે મેદાને, આપ્યુ આવેદન
નાણાકીય-વહીવટી ગેરરીતીને લઈ સુરત ક્રિકેટ એસો.ની AGMમાં હોબાળો
નવરાત્રીમા પાવાગઢ મહાકાળીના દર્શન માટે આટલા વાગ્યાથી શરૂ થઈ જશે રોપ-વે
