ચારધામની યાત્રા સંપન્ન કર્યા બાદ વડતાલ સંસ્થાના ડોક્ટર સંત વલ્લભ સ્વામીએ સ્મિત મચ્છરની બહાદુરીને બિરદાવી હતી. તેમણે સ્મિત મચ્છરની હિંમત, નિડરતા અને પ્રતિકૂળ પરિસ્થિતિમાં દર્શાવેલી કર્તવ્યનિષ્ઠાની પ્રશંસા કરતાં કહ્યું કે, સ્મિત મચ્છરે પોતાની બહાદુરીથી આધ્યાત્મિક શક્તિ અને હનુમાન ચાલીસાના પ્રભાવનું ઉદાહરણ પૂરું પાડ્યું છે.

ડોક્ટર સંત વલ્લભ સ્વામીએ જણાવ્યું કે, ઘાયલ થઈને લોહીલુહાણ હોવા છતાં સ્મિત મચ્છરે હિંમત હારી નહોતી. તેમણે હનુમાનજીનું સ્મરણ કર્યું અને હનુમાન ચાલીસાના પાઠ કર્યા હતા. પોતાની હિંમત અને કર્તવ્યનિષ્ઠાથી તેમણે સાબિત કર્યું કે મુશ્કેલ પરિસ્થિતિમાં પણ નિડરતાથી ફરજ બજાવવી કેટલી મહત્ત્વપૂર્ણ છે.

વલ્લભ સ્વામીએ વધુમાં જણાવ્યું કે, સ્મિત મચ્છરે એવું કાર્ય કરી બતાવ્યું છે કે દેશના દરેક નાગરિકને ગર્વ થાય અને છાતી ગજગજ ફૂલે. તેમની બહાદુરી અને હિંમત યુવાનો માટે પ્રેરણારૂપ છે.

તેમણે સ્મિત મચ્છરને 21મી સદીના યુવાનો માટેના રોલ મોડલ ગણાવતાં કહ્યું કે, આજના યુવાનો માટે હિંમત, નિડરતા, શ્રદ્ધા અને કર્તવ્યનિષ્ઠાનું કેવું ઉદાહરણ હોવું જોઈએ તે સ્મિત મચ્છરે પોતાના કાર્યથી પૂરું પાડ્યું છે.

ડોક્ટર સંત વલ્લભ સ્વામીના આ નિવેદન દ્વારા તેમણે સ્મિત મચ્છરની બહાદુરીની સાથે આધ્યાત્મિક શ્રદ્ધા અને કર્તવ્ય પ્રત્યેની નિષ્ઠાના મહત્ત્વને પણ ઉજાગર કર્યું હતું.

Breaking News : સુરત ડિસ્ટ્રિક્ટ ક્રિકેટ એસો.માં નાણાકીય-વહીવટી ગેરરીતીને લઈને AGMમાં મચ્યો હોબાળો, માનીતાઓને પદ-હોદ્દાની લ્હાણીનો આક્ષેપ