OMG ! પોતાની માતાના ગળામાં સાઇકલનું લોક લગાવીને ભૂલી ગયો આ દીકરો, પોલીસે મહામહેનતે લોકને કાપ્યું
ચીનમાં એક બાળકે રમત રમતમાં પોતાની માતાના ગળામાં સાઇકલનો લોક લગાવી દીધો. તેણે પોતાની સાઇકલમાંથી આ યૂ શેપનો લોક કાઢીને પોતાની માતાના ગળામાં લગાવ્યા બાદ તે લોકની કોમ્બિનેશન કી ભૂલી (Child Forgets Lock Combination) ગયો
Child Puts Bicycle Lock Around Mother’s Neck : બાળકો નાદાની અને માસૂમિયતમાં અમુક વાર એવી મસ્તી કે ભૂલ કરી બેસે છે જે અન્ય વ્યક્તિને ભારે પડી શકે છે. હાલમાં ચીનમાં (China) એક એવો જ કિસ્સો સામે આવ્યો છે જેમાં એક 4 વર્ષના બાળકે મસ્તી મસ્તીમાં પોતાની માતા માટે મોટી સમસ્યા ઉભી કરી દીધી. એટલી મોટી મુસિબત કે પોલીસને રેસ્ક્યુ કરવા માટે બોલાવવી પડી.
ચીનમાં એક બાળકે રમત રમતમાં પોતાની માતાના ગળામાં સાઇકલનો લોક લગાવી દીધો. તેણે પોતાની સાઇકલમાંથી આ યૂ શેપનો લોક કાઢીને પોતાની માતાના ગળામાં લગાવ્યા બાદ તે લોકની કોમ્બિનેશન કી ભૂલી (Child Forgets Lock Combination) ગયો. કામમાં વ્યસ્ત માતાને અંદાજો પણ ન હતો કે તેનો બાળક તેના ગળામાં લોક લગાવી રહ્યો છે. જાણ થયા બાદ માતાએ પણ પહેલા આ વાત મજાકમાં લીધી કારણ કે તેને લોકનો કોડ ખબર હતી. જ્યારે આ મહિલાએ લોક ખોલવાનો પ્રયત્ન કર્યો ત્યારે તેના હોંશ ઉડી ગયા કારણ કે તેના છોકરાએ લોકનું કોમ્બિનેશન જ બદલી નાખ્યુ હતુ.
બાળકે શૌચાલયની સફાઈ દરમિયાન માતાના ગળામાં તાળું લગાવ્યું હતું. જ્યારે તેણે તેને જૂના કોમ્બિનેશનથી ખોલવાનો પ્રયત્ન કર્યો તો તાળું ખુલ્યું નહીં. તેઓ જાણતા ન હતા કે પુત્રએ કોડ બદલી નાખ્યો છે. એટલું જ નહીં, તે કોમ્બિનેશન પણ ભૂલી ગયો હતો. આવી સ્થિતિમાં મહિલાએ તાત્કાલિક મદદ માટે પોલીસને બોલાવી હતી. પોલીસ અને સ્થાનિક ફાયર ફાઇટર્સની ટીમ તાત્કાલિક ઘટનાસ્થળે પહોંચી ગઇ અને તાળાના વાયર કાપવાનો પ્રયાસ શરૂ કર્યો. તેમણે મહિલાની ગરદન પર ટુવાલ મૂક્યા પછી, તેમણે ધીમે ધીમે વાયર કાપી નાખ્યો અને આ લોક મહિલાના ગળામાંથી બહાર આવી શક્યો.
મહિલાના ગળામાં લોક ફસાવા અને તેને પોલીસ દ્વારા કાપતો વીડિયો ચીનના સોશિયલ મીડિયામાં ખૂબ વાયરલ થઇ રહ્યો છે. આ અંગે પ્રતિક્રિયા આપતા લોકોએ કહ્યું છે કે માતાપિતાએ બાળકોને તેમની મર્યાદા શીખવવા માટે વધુ મહેનત કરવી પડશે.
આ પણ વાંચો –
Virus proof Skyscraper : 500 મિલીયન ડૉલરના ખર્ચે બની રહી છે દુનિયાની પહેલી એન્ટી વાયરસ ઇમારત, જાણો વિગત
આ પણ વાંચો –
Share Market : શેરબજારની તેજી આજે પણ યથાવત, Sensex 61200 અને Nifty 18300 ને પાર દેખાય
આ પણ વાંચો –