શખ્સે નાહવા માટે અપનાવ્યો જબરદસ્ત દેશી જુગાડ, વીડિયો જોઈ લોકોએ આપ્યા કંઈક આવા રિએક્શન
જુગાડ એ કોઈ પણ કામ માટે કામચલાઉ ઉપાય કહી શકાય. ત્યારે હાલ જે વીડિયો સામે આવ્યો છે તેમાં શખ્સે નાહવા માટે જે દેશી જુગાડ અપનાવ્યો છે તે જોઈ ચોક્ક્સ તમારૂ હસવું રોકી નહીં શકો.
જુગાડમાં આપણા ભારતીયોનો કોઈ જવાબ નથી. હાલ સોશિયલ મીડિયામાં એક આવો જ વીડિયો વાયરલ થઈ રહ્યો છે. જેને જોઈ લોકો દંગ રહી ગયા છે. આમ તો જુગાડના તમે ઘણા વીડિયો જોયા હશે પરંતુ આ જુગાડ કંઈક હટકે છે. ત્યારે જુગાડ એ કોઈ પણ કામ માટે કામચલાઉ ઉપાય કહી શકાય. ત્યારે હાલ જે વીડિયો સામે આવ્યો છે તેમાં શખ્સે નાહવા માટે જે દેશી જુગાડ અપનાવ્યો છે તે જોઈ ચોક્ક્સ તમારૂ હસવું રોકી નહીં શકો.
વાયરલ થઈ રહેલી આ ક્લિપ 29 સેકન્ડની છે જેમાં આપણે એક શખ્સને સાબુથી વાળ ધોતા જોઈ શકીએ છીએ. પરંતુ આ શખ્સ માથું ધોવા માટે ન તો તે ડોલ-મગ કે કોઈ શાવરનો ઉપયોગ કરી રહ્યો છે. હકીકતમાં માથું ધોવા માટે માણસે ગજબ જુગાડ કર્યો છે. આ માટે તેણે પોતાની પીઠ પર પાણી ભરેલો એક મોટો ડબ્બો મૂક્યો છે અને તે જમીન પર બેઠો છે. આવી સ્થિતિમાં, વાળમાં સાબુ લગાવ્યા પછી, જ્યારે તેને પાણીની જરૂર હોય ત્યારે, હાથનો ઉપયોગ કર્યા વિના, જુગાડની મદદથી, તે જરૂરિયાત મુજબ માથા પર પાણી રેડે છે. આ માટે તે ખાલી તેની પીઠ ઉંચી કરે છે, અને પાણી તેના માથા પર પડવા લાગે છે.
આ વીડિયો ટ્વિટર હેન્ડલ @RBalwani દ્વારા 27 નવેમ્બરે શેર કરવામાં આવ્યો હતો, જેમાં બિઝનેસમેન ‘આનંદ મહિન્દ્રા’ અને ‘હર્ષ ગોએન્કા’ને ટેગ કરવામાં આવ્યા હતા. તેણે કેપ્શનમાં લખ્યું – રવિવારની સવાર હળવાશથી! હું મારી જાતને દરેક સાથે આ શેર કરવાથી રોકી શક્યો નહીં. સરળ, નવીન, સસ્તું અને કામચલાઉ!
On a lighter note on a Sunday morning! Couldn’t resist sharing this forward! Simple, innovative, cost effective and it works! Jugaad! @hvgoenka @anandmahindra pic.twitter.com/Jxd9CQEBXZ
— Roma Balwani (@RBalwani) November 27, 2022
આ પોસ્ટ લખાઈ ત્યાં સુધી 300 થી વધુ લાઈક્સ મળી ચુકી છે. જ્યારે વીડિયોને 15 હજારથી વધુ વ્યૂઝ મળ્યા છે. સાથે જ યુઝર્સ પણ આ અંગે પોતાની પ્રતિક્રિયા આપી રહ્યા છે. કેટલાકે લખ્યું કે મને આ જુગાડ ગમ્યો. બીજાએ લખ્યું – આ આત્મનિર્ભર છે. કેટલાકે કહ્યું કે તે જુગાડ છે શોધ નથી. જ્યારે ઘણા યુઝર્સ આ વાત પર હસી રહ્યા છે.