માલગાડી નીચેથી શખ્સ પસાર કરવા ગયો રેલવે ટ્રેક, અચાનક ટ્રેન લાગી દોડવા, જુઓ પછી શું થયું

ભારતીય રેલવે હંમેશા લોકોને અન્ય પ્લેટફોર્મ પર જવા માટે શોર્ટકટ ન લેવાની ચેતવણી આપે છે, પરંતુ ઘણા એવા લોકો છે જે સુધરવાનું નામ નથી લઈ રહ્યા. રેલવેની અપીલ બાદ પણ લોકો પાટા ઓળંગીને બીજા પ્લેટફોર્મ પર જવાનો પ્રયાસ કરતા જોવા મળે છે. બિહારના ભાગલપુરમાં એક વ્યક્તિનો જીવ માંડ માંડ બચ્યો. આ વ્યક્તિએ શોર્ટકટ લેવાના ચક્કરમાં માલગાડીની નીચેથી પાટા ઓળંગવાનો પ્રયાસ કર્યો, પરંતુ ત્યારે ટ્રેન પાટા પર દોડવા લાગી. હવે આ ઘટનાનો વીડિયો વાયરલ થઈ રહ્યો છે, જેને જોઈને લોકો દંગ રહી ગયા છે.

મીડિયા રિપોર્ટ્સ અનુસાર, આ ચોંકાવનારી ઘટના ભાગલપુરના કહલગાંવ રેલવે સ્ટેશનની છે. જ્યાં એક વ્યક્તિએ બીજા પ્લેટફોર્મ પર જવા માટે ઓવરબ્રિજ પર ચઢવાને બદલે રેલવે ટ્રેક ક્રોસ કરવાનો શોર્ટકટ લીધો હતો. પરંતુ બીજી જ ક્ષણે તેની સાથે એવું થવાનું છે તેની તેને કલ્પના નહોતી.

લાઈનમાં એક માલગાડી ઉભી હતી. આ વ્યક્તિએ તેની નીચેથી ટ્રેક ક્રોસ કરવાનો પ્રયાસ કર્યો. માલગાડીની નીચે જતાં જ ટ્રેન ચાલુ થઈ અને તે વ્યક્તિ ત્યાં જ ફસાઈ ગયો. વાયરલ વીડિયોમાં જોઈ શકાય છે કે આખી માલગાડી ત્યાંથી પસાર થઈ રહી છે અને વ્યક્તિ તેની નીચે સુતો રહ્યો છે. સદનસીબે આ અકસ્માતમાં તેને ઈજા થઈ ન હતી.

અહીં જુઓ, આખી માલગાડી વ્યક્તિ ઉપરથી પસાર થઈ ગઈ

शख्स एक नंबर से दूसरे नंबर प्लेटफॉर्म पर मालगाड़ी के नीचे से निकलने ही वाला था तभी गाड़ी चल पड़ी. शख्स तो बाल-बाल बच गया लेकिन शॉर्टकट के चक्कर में जान भी जा सकती थी. वीडियो- भागलपुर के कहलगांव स्टेशन का है…. वायरल वीडियो @RailMinIndia @AshwiniVaishnaw @rpfnr_ @RailwaySeva pic.twitter.com/CWLOV8rJUM

— अंकित राजगढ़िया🇮🇳 (@ankit_rajgaria1) November 10, 2022

આ વ્યક્તિ માલગાડીની નીચેથી એક પ્લેટફોર્મથી બીજા પ્લેટફોર્મ પર જવાનો હતો ત્યારે ટ્રેન આગળ વધવા લાગી. તે વ્યક્તિ બચી ગયો હતો, પરંતુ શોર્ટકટના કારણે તેનો જીવ પણ જઈ શકતો હતો. વીડિયો- ભાગલપુરનું કહલગાંવ સ્ટેશનનો છે.

ચાલતી માલગાડીની નીચે ફસાયેલા વ્યક્તિને જોઈને થોડીવાર માટે અરાજકતાનો માહોલ સર્જાયો હતો. લોકો દોડીને તે વ્યક્તિ પાસે જાય છે અને તેને ટ્રેક પર સૂઈ રહેવા માટે કહે છે. વીડિયોમાં જોઈ શકાય છે કે ટ્રેન સતત આગળ વધી રહી છે અને વ્યક્તિ તેના ટ્રેક પર સૂઈ રહ્યો છે. જ્યારે આખી ટ્રેન વ્યક્તિની ઉપરથી પસાર થાય છે, ત્યારે તે ઊભો થઈને જતો રહે છે. જે બાદ ત્યાં હાજર લોકોએ રાહતનો શ્વાસ લીધો હતો.

હવે લોકો સોશિયલ મીડિયાના અલગ-અલગ પ્લેટફોર્મ પર આ વીડિયોને જોરદાર રીતે શેર કરી રહ્યા છે. અંકિત રાજગઢિયા નામના યુઝરે ટ્વિટર પર વીડિયો શેર કર્યો અને લખ્યું કે, જ્યારે ટ્રેન શરૂ થઈ ત્યારે તે વ્યક્તિ અન્ય પ્લેટફોર્મ પર જવા માટે માલગાડીની નીચેથી બહાર આવવાનો હતો. તે વ્યક્તિનો જીવ બચી ગયો છે, પરંતુ શોર્ટકટના કારણે તે જીવ ગુમાવી બેસત. આ વીડિયો ભાગલપુરના કહલગાંવ સ્ટેશનનો છે.