પહેલા ધોરણની વિદ્યાર્થીનીએ વડાપ્રધાનને લખ્યો પત્ર : “મોદીજી! આપે મારી પેન્સિલ-રબર અને મેગી મોંઘી કરી છે”, વાઇરલ થઇ રહી છે બાળકીની વેદના
કૃતિનો આ પત્ર ઈન્ટરનેટ પર વાયરલ થયો છે અને લોકો તેને ખૂબ જ રસથી વાંચી રહ્યા છે. કૃતિના માતા-પિતાએ જણાવ્યું કે તે ખૂબ જ સ્માર્ટ છે અને ગાયત્રી મંત્રને યાદ કરે છે. તે ડાન્સ પણ કરે છે અને દરેક બાબતમાં ખૂબ ચપળ છે.
દેશમાં વધી રહેલી મોંઘવારીથી દરેક વ્યક્તિ પરેશાન છે. હવે તો બાળકો પણ મોંઘવારીની પીડા અનુભવવા લાગ્યા છે. રબર, પેન્સિલ અને મેગીના ભાવ વધારાથી પરેશાન ધોરણ 1 ના વિદ્યાર્થીએ વડા પ્રધાન નરેન્દ્ર મોદી(PM Narendra Modi)ને પત્ર લખીને મોંઘવારીની વેદના વ્યક્ત કરી છે. 6 વર્ષની ધોરણ 1ની વિદ્યાર્થિની કૃતિ દુબેનો આ પત્ર ઈન્ટરનેટ પર વાયરલ થયા બાદ આ બાળકી ચર્ચામાં છે. કૃતિ કન્નૌજ જિલ્લાના છિબ્રામૌ શહેરના મોહલ્લા બિર્ટિયાની રહેવાસી છે. તેના પિતા વિશાલ દુબે વકીલ છે. કૃતિએ વડાપ્રધાનને લખેલા પત્રમાં લખ્યું છે કે, ‘મોદીજી! તમે મોંઘવારી કરી દીધી છે. પેન્સિલ-રબર પણ મોંઘા થઈ ગયા છે. તમે મારી મેગીની કિંમત પણ વધારી દીધી છે. પેન્સિલ માંગવા બદલ મારી માતા મને માર મારે છે. હું શું કરું? બાળકો મારી પેન્સિલ ચોરી કરે છે.”
Six-year-old girl of Class 1 has written a letter to PM Modi about hardship she is facing due to price rise. The girl, Kriti Dubey, of Chhibramau town in UP’s Kannauj,wrote in her letter, “My name is Kriti Dubey.I study in class 1.Modiji, you have caused immense price rise. pic.twitter.com/vj9o9TZuZf
— Aroone Harry (@arunharimowar) August 1, 2022
વડાપ્રધાનને પત્ર મોકલ્યો
કૃતિની માતાનું કહેવું છે કે કૃતિએ પોતે જ આ પત્ર લખ્યો હતો અને તેના પિતા પર દબાણ કરીને તેને પોસ્ટ દ્વારા વડાપ્રધાન નરેન્દ્ર મોદીને મોકલ્યો હતો. કૃતિના પિતાએ જણાવ્યું કે કૃતિની માતાએ તેને સ્કૂલમાં પેન્સિલ ગુમ થવા પર ઠપકો આપ્યો હતો. આનાથી તેણી ખૂબ ગુસ્સે થઈ ગઈ. આ સિવાય જ્યારે કૃતિ મેગી ખરીદવા ગઈ તો દુકાનદારે બે રૂપિયાથી ઓછી હોવા પર તેને પરત મોકલી હતી. દુકાનદારે તેને કહ્યું કે મેગી બે રૂપિયા મોંઘી થઈ ગઈ છે.
પત્ર ઇન્ટરનેટ પર વાયરલ થયો
કૃતિનો આ પત્ર ઈન્ટરનેટ પર વાયરલ થયો છે અને લોકો તેને ખૂબ જ રસથી વાંચી રહ્યા છે. કૃતિના માતા-પિતાએ જણાવ્યું કે તે ખૂબ જ સ્માર્ટ છે અને ગાયત્રી મંત્રને યાદ કરે છે. તે ડાન્સ પણ કરે છે અને દરેક બાબતમાં ખૂબ ચપળ છે.
આ પહેલીવાર નથી જ્યારે કોઈ બાળકે વડાપ્રધાન નરેન્દ્ર મોદીને કોઈ બાબતે ફરિયાદ કરી છે. ગયા વર્ષે પણ જમ્મુ અને કાશ્મીરની એક છ વર્ષની બાળકીએ વીડિયો દ્વારા લાંબા ઓનલાઈન ક્લાસ અને વધુ હોમવર્ક અંગે ફરિયાદ કરી હતી. વીડિયો વાયરલ થયા બાદ જમ્મુ અને કાશ્મીરના લેફ્ટનન્ટ ગવર્નર મનોજ સિન્હાએ શિક્ષણ વિભાગને ઓનલાઈન વર્ગો અંગે પોલિસી બનાવવાનો આદેશ આપ્યો હતો.