બસની સીટ માટે બે કાકાઓ વચ્ચે થઈ ભયંકર બબાલ! Viral Video જોઈ હસી હસીને લોટપોટ થઈ જશો
Funny Viral Video: સોશિયલ મીડિયામાં લડાઈ-ઝગડાના વીડિયો ખુબ વાયરલ થતા હોય છે. હાલમાં ટ્વિટર પર બે કાકા વચ્ચેની લડાઈનો વીડિયો વાયરલ થઈ રહ્યો છે.
ભારતમાં એ ઘણીવાર જોવા મળ્યુ છે કે રસ્તા પર બે વ્યક્તિ વચ્ચે લડાઈ ચાલતી હોય તો તે લોકોને શાંત પાડનાર લોકો કરતા એ લડાઈને જોઈને મજા લેનારા લોકો વધારે હોય છે. સોશિયલ મીડિયા પર પણ આવા લડાઈ ઝગડાના વીડિયો ખુબ વાયરલ થતા હોય છે. હાલમાં આવો જ એક વીડિયો ટ્વિટર પર વાયરલ (Viral Video) થયો છે. ટ્રેન અને બસમાં મુસાફરી કરતી વખતે તમે ઘણીવાર જોયું હશે કે કેટલાક મુસાફરો સીટ માટે લડતા હોય છે. આ વીડિયોને જોયા પછી તમે પણ પેટ પકડીને હસી હસીને થાકી જશો. વીડિયોમાં બસની અંદર બે વૃદ્ધ લોકો બાજુમાં બેઠા છે. આ પછી બંને એવી રીતે લડે છે કે તેઓ કઈક મેળવવા માટે ઝગડી રહ્યા છે. મજાની વાત એ છે કે બંને આરામથી બેઠા છે, તેમ છતા તેઓ સીટને લઈને એકબીજા સાથે ઝઘડો કરવા લાગે છે. ચાલો જાણીએ આ ફની વીડિયો (Funny video) વિશે.
આ વાયરલ થઈ રહેલા વીડિયોમાં તમે જોઈ શકો છો કે બસમાં બે કાકાઓ સાથે બેઠા છે. પરંતુ થોડા જ સમયમાં કૂતરા અને બિલાડીની જેમ બંને સીટ માટે લડે છે. બંને પોતપોતાની જ સીટ પર આરામથી બેઠા છે. પરંતુ તેમ છતાં, બંને થોડીક જ જગ્યા માટે દલીલ કરવાનું શરૂ કરે છે. એક કહે છે – ઘણી જગ્યા છે. તેના પર બીજો કહે છે – કોઈ જગ્યા નથી. તમે જોઈ શકો છો કે કંડક્ટર પણ આ ઝઘડાને શાંત કરવાનો પ્રયાસ કરે છે. પણ બન્ને કાકા કંડક્ટરની અવગણના કરે છે અને ફરીથી દલીલ કરવાનું શરૂ કરે છે. લોકો આ વાયરલ વીડિયો જોઈને ખુબ આંનદ લઈ રહ્યા છે. નાના બાળકો કોઈ વસ્તુ માટે લડાઈ કરતા હોય તેમ આ બન્ને કાકા થોડી જગ્યા માટ લડી રહ્યા છે.
આ રહ્યો એ વાયરલ વીડિયો
Me to my stomach after eating the 9th piece of Gulaabjamun pic.twitter.com/0Sutq1gEsX
— Sagar (@sagarcasm) July 3, 2022
બે કાકાઓ વચ્ચેની ભયંકર અને રમુજી લડાઈનો વીડિયો ટ્વિટર પર @sagarcasm હેન્ડલથી શેર કરવામાં આવ્યો છે. ફની કેપ્શન આપતા યુઝરે લખ્યું, ‘જ્યારે હું નવમું ગુલાબ જામુન ખાધા પછી મારા પેટને કહું છું.’ માત્ર 17 સેકન્ડની આ ક્લિપ લોકોને ખૂબ હસાવી રહી છે. તેના અપલોડથી અત્યાર સુધીમાં આ વીડિયોને 6 લાખથી વધુ વ્યૂઝ મળી ચૂક્યા છે. આ સિવાય લોકોએ આ વીડિયો પર કોમેન્ટ પણ કરી છે.