આતુરતાનો અંત! FAU-Gની રિલીઝ Date સત્તાવાર રીતે થઈ જાહેર
PUBG ગેમ પર પ્રતિબંધ લાગ્યા બાદ ‘મેડ ઈન ઈન્ડિયા’ ગેમ FAU-Gની રાહ લોકો ખૂબ આતૂરતાથી જોઈ રહ્યા હતા, લગભગ 4 મહિના પહેલા જ્યારે આ ગેમની જાહેરાત કરવામાં આવી હતી.
PUBG ગેમ પર પ્રતિબંધ લાગ્યા બાદ ‘મેડ ઈન ઈન્ડિયા’ ગેમ FAU-Gની રાહ લોકો ખૂબ આતૂરતાથી જોઈ રહ્યા હતા, લગભગ 4 મહિના પહેલા જ્યારે આ ગેમની જાહેરાત કરવામાં આવી હતી, ત્યારથી લોકોમાં તેને લઈને ઉત્સાહ જોવા મળી રહ્યો હતો, ત્યારે હવે આ ગેમની રિલીઝ ડેટ પરથી પડદો ઉઠી ગયો છે, 26મી જાન્યુઆરી એટલે કે પ્રજાસત્તાક દિને FAU-G રિલીઝ થવા જઈ રહી છે.
ભારતમાં સપ્ટેમ્બર 2020માં જ્યારે PUBG બેન કરવામાં આવી તે જ મહિનામાં ભારતીય કંપની nCore Gamesએ FAU-Gની જાહેરાત કરી એટલે આ ગેમ ભારતમાં PUBGના વિકલ્પ તરીકે જોવાઈ રહી છે, મોબાઈલ પર બેટલ રોયલ ગેમ રમવા વાળાઓ માટે FAU-G નવી એક્શન ગેમ લઈને આવી રહી છે, કેટલાક મહિનાઓથી આ ગેમ પર કામ ચાલી રહ્યુ હતુ.
કેટલાક લોકોને એ સવાલ હશે કે FAU-G નામનો મતલબ શું થાય છે તમને જણાવી દઇએ કે આ ગેમનું આખુ નામ છે Fearless and United Guards. nCore Gamesએ ટ્વિટ કરીને રિલીઝની સાથે અન્ય કેટલીક માહિતીઓ પણ જાહેર કરી છે, આ ગેમનો પહેલો એપિસોડ ગલવાન ઘાટી પર આધારિત હશે, આ માધ્યમથી લોકોના મનોરંજનની સાથે વીર સૈનિકોના બલિદાનને પણ યાદ કરી શકાશે.
https://twitter.com/nCore_games/status/1345622556334702593
સાથે જ ભારત સરકાર દ્વારા બેન થયા બાદ PUBG Mobile India નવા રૂપ સાથે 2021માં ફરી ભારતીય માર્કેટમાં આવવા જઈ રહી છે, પરંતુ તેની રિલીઝ ડેટને લઈને હજી કઈ સત્તાવાર જાહેરાત થઈ નથી, ત્યારે જોવાનું રહેશે કે કઈ ગેમને લોકો વધુ પસંદ કરશે.
Latest News Updates
