Log Hut Cafe: આનંદ મહિન્દ્રાએ વીડિયો શેયર કરીને લખ્યું આ જગ્યા 10 સ્ટારથી ઓછી નથી, નેટીઝન્સ પણ પડ્યા પ્રેમમાં
Cafe Run By Indian Army: ઉદ્યોગપતિ આનંદ મહિન્દ્રાએ (Anand Mahindra) ટ્વિટર પર આવા કેફેનો એક વીડિયો શેયર કર્યો છે. જેને જોયા બાદ નેટીઝન્સ આ જગ્યાના પ્રેમમાં પડી ગયા છે. આનંદ મહિન્દ્રા કહે છે કે આ જગ્યા 10 સ્ટારથી ઓછી નથી. તમને જણાવી દઈએ કે આ કેફે ભારતીય સેના દ્વારા ચલાવવામાં આવે છે.
દેશના જાણીતા ઉદ્યોગપતિ અને મહિન્દ્રા ગ્રુપના ચેરપર્સન આનંદ મહિન્દ્રા (Anand Mahindra) સોશિયલ મીડિયા પર ખૂબ જ એક્ટિવ છે. તે ટ્વીટર દ્વારા પોતાના વિચારો વ્યક્ત કરતા રહે છે અને 9.3 મિલિયન ફોલોઅર્સ સુધી પોતાના વિચારો પહોંચાડે છે. ઉદ્યોગપતિ મહિન્દ્રા (Anand Mahindra Tweet) અવાર-નવાર ટ્વિટર પર રસપ્રદ અને અનોખી માહિતી અને ફની વીડિયો શેયર કરે છે. હાલમાં, તેણે કાશ્મીરના (Kashmir) આવા કેફેનો એક વીડિયો ટ્વિટર પર શેયર કર્યો છે, જેને જોયા પછી નેટીઝન્સ આ જગ્યાના પ્રેમમાં પડી ગયા છે. આનંદ મહિન્દ્રાનું કહેવું છે કે આ જગ્યા 10 સ્ટાર ડેસ્ટિનેશનથી ઓછી નથી. તો ચાલો જાણીએ આ કેફે વિશે.
જણાવી દઈએ કે જે કેફેનો વીડિયો ઉદ્યોગપતિ મહિન્દ્રાએ માઇક્રો-બ્લોગિંગ સાઇટ પર શેયર કર્યો છે. તે ભારતીય સેના દ્વારા ચલાવવામાં આવે છે. કેફેનું નામ Log Hut Cafe છે, જે કાશ્મીરની ગુરેઝ ઘાટીમાં બાંદીપોરા પાસે છે. આ કેફેનું ઈન્ટીરીયર અને એમ્બિયન્સ એકદમ અદભૂત છે. વીડિયો દ્વારા જણાવવાનો પ્રયાસ કરવામાં આવ્યો છે કે આ કેફે કેટલું અદ્ભુત અને ખાસ છે. તે જ સમયે, કેફેના સોશિયલ મીડિયા એકાઉન્ટથી જાણવા મળે છે કે અહીં મળતું ભોજન ખૂબ સસ્તું છે. તે પહેલા આ સુંદર કાફેનો વીડિયો જોઈએ.
Log Hut Cafeનો વીડિયો અહીં જુઓ…
As far as I’m concerned, this Cafe is not a 5 star, nor a 7 star, but a 10 star destination! pic.twitter.com/oQZvEOanlT
— anand mahindra (@anandmahindra) June 11, 2022
આ વીડિયો અસલમાં ગરિમા ગોયલ નામની મહિલાએ શેયર કર્યો હતો. જેમાં તે ગુરેઝ વેલીમાં હાજર આ સુંદર કેફેમાં ફરતી જોવા મળે છે. આ વીડિયો દ્વારા ગરિમા ભારતીય સેના દ્વારા સંચાલિત ‘લોગ હટ કેફે’નું વાતાવરણ અને ઈન્ટિરિયર બતાવે છે. આ સિવાય તે કાફેમાં પીરસવામાં આવતી વાનગીઓ અને પીણાં વિશે પણ જણાવે છે.
આનંદ મહિન્દ્રાએ ટ્વિટર પર આ વીડિયો શેયર કર્યો અને લખ્યું, ‘આ કેફે 5 સ્ટાર નથી, 7 સ્ટાર નથી, પરંતુ 10 સ્ટાર ડેસ્ટિનેશન છે.’ આ સિવાય પોસ્ટને અત્યાર સુધીમાં 18.5 હજારથી વધુ લોકોએ લાઈક કરી છે. આ સંખ્યા સતત વધી રહી છે. તે જ સમયે, વીડિયો જોયા પછી, લોકો સતત તેમના પ્રતિભાવો નોંધાવી રહ્યા છે.
Latest News Updates
