Viral Video: ભેંસોના ટોળાએ ‘સ્વિમિંગ પૂલ’માં ઝંપલાવ્યું, ભારે મસ્તી કરી, માલિકને લાગ્યો 2.5 મિલિયનનો ચુનો
સ્વિમિંગ પૂલ જોઈને કેટલીક ભેંસો તેમાં ઉતરવા લાગી હતી, જ્યારે બાકીની ભેંસો ઘરના બગીચામાં અહીં-તહીં ફરવા લાગી હતી. આ ઘટના એસેક્સની કહેવામાં આવી રહી છે.
England: સ્વિમિંગ પુલમાં પાણી સાથે રમતી વખતે જે મજા આવે છે, એટલી મજા તમને બીજે ક્યાંય નથી મળતી. તમે પૂલમાં ઘણી વખત માણસો અને બાળકોને પાણીમાં છાંટા મારતા જોયા હશે. પરંતુ શું તમે ક્યારેય ભેંસોને સ્વિમિંગ પૂલમાં આનંદ માણતી જોઈ છે? લગભગ જોયો નહી હોય. કારણ કે સ્વિમિંગ પુલમાં પ્રાણીઓને પ્રવેશ આપવામાં આવતો નથી.
પરંતુ જો પ્રાણીઓ પોતે ખાનગી સ્વિમિંગ પૂલમાં પ્રવેશ કરે અને પરવાનગી વિના સ્નાન કરે તો શું? આ વાત સાંભળીને ભલે તમને હાસ્યાસ્પદ લાગતું હોય, પરંતુ આ એકદમ સત્ય છે. હકીકતમાં, ભેંસોના ટોળાએ એક ઘરના ખાનગી સ્વિમિંગ પૂલમાં ઘૂસીને તેના માલિકને 25 લાખ રૂપિયાનું નુકસાન પહોંચાડ્યું હતું.
ખાનગી ન્યુઝના અહેવાલ મુજબ એક-બે નહીં પરંતુ કુલ 18 ભેંસ તેમના ખેતરમાંથી ભાગી ગઈ હતી. આ બધી ભેંસો ભાગીને એક ઘરમાં પ્રવેશી જ્યાં સ્વિમિંગ પૂલ હતો. પછી શું હતું, સ્વિમિંગ પૂલ જોતાં જ કેટલીક ભેંસો તેમાં ઉતરવા લાગી, જ્યારે બાકીની ભેંસો ઘરના બગીચામાં અહીં-તહીં ફરવા લાગી. આ ઘટના એસેક્સની કહેવામાં આવી રહી છે. સમગ્ર ઘટનાનો વીડિયો ઘરમાં લાગેલા સીસીટીવીમાં કેદ થઈ છે.
ભેસોએ કર્યું 25 લાખનું નુકસાન
સમગ્ર ઘટનાનું વર્ણન કરતાં એન્ડી અને લિનેટ સ્મિથે જણાવ્યું હતું કે 70,000 પાઉન્ડના સ્વિમિંગ પૂલમાં 8 ભેંસ ઘુસી ગઈ હતી અને 2.5 મિલિયનનું નુકસાન થયું હતું. ફૂલની ક્યારીયો અને વાડને ખરાબ રીતે બરબાદ કરી દીધી. એન્ડીએ જણાવ્યું કે જ્યારે મારી પત્ની સવારે રસોડામાં ચા બનાવવા ગઈ ત્યારે તેણે જોયું કે ભેંસોનું ટોળું સ્વિમિંગ પૂલ અને બગીચામાં તબાહી મચાવી રહ્યું છે. આ જોયા પછી તેણે તરત જ 999 પર ઈમરજન્સી કોલ કર્યો, પરંતુ ત્યાંથી કોઈ સકારાત્મક જવાબ મળ્યો નહીં. ફાયર બ્રિગેડને લાગ્યું કે આ ફેક કોલ છે.
It’s hot but it’s not that hot! Moment herd of escaped water #buffalo stampede through couple’s garden and take dip in their swimming pool – causing £25,000 in damage to their Colchester #Essex home pic.twitter.com/uYM8kZpwgP
— Hans Solo (@thandojo) May 23, 2023
નુકસાનનું વળતર ચુકવવામાં આવ્યું
એન્ડીએ વધુમાં કહ્યું કે, લાખ સમજાવટ બાદ તેણે મામલાને ગંભીરતાથી લીધો અને ફરી આવ્યા. જ્યારે તે અમારા ઘરે પહોંચ્યો ત્યારે પરિસ્થિતિ કાબૂમાં આવી ગઈ હતી. પરંતુ ત્યાં સુધીમાં ભેંસોએ 25,000 પાઉન્ડનું નુકસાન કર્યું હતું. મળતી માહિતી મુજબ આ મામલો થાળે પડ્યો છે અને નુકસાનની ભરપાઈ પણ કરી દેવામાં આવી છે. આ સમગ્ર ઘટનામાં ભેંસોને કોઈ નુકસાન થયું નથી. તેઓને સુરક્ષિત રીતે બચાવી લેવામાં આવી હતી.
વાયરલ અને ટ્રેન્ડિંગના તમામ સમાચાર વાંચવા માટે અહીં ક્લિક કરો
