લો બોલો ! આમના પેટમાંથી નીકળ્યા 1 રુપિયાના 63 સિક્કા, ઓપરેશન દરમિયાન ડોકટર પણ રહી ગયા દંગ !
Coins In Stomach:રાજસ્થાનના જોધપુરમાં એક વિચિત્ર ઘટના બની છે. એક વ્યક્તિને પેટમાં દુખાવો થતા તે હોસ્પિટલમાં પહોંચ્યો, જ્યા તેના પેટમાંથી ચોંકાવનારી વસ્તુઓ મળી.
Viral News : દુનિયામાં અનેક લોકોને વિચિત્ર આદતો હોય છે. તેમની આ આદતો વિશે સાંભળીને કેટલીક લોકો વિચાર કરવા મજબૂર થઈ જાય છે કે આવી કેવી આદત ! કેટલીકવાર તેમની આ આદતો તેમને મોટી મુશ્કેલીમાં મુકી દે છે. રાજસ્થાનથી (Rajasthan) આવી જ એક ઘટના સામે આવી છે. રાજસ્થાનના જોધપુરમાં એક 36 વર્ષના વ્યક્તિના પેટમાંથી એવી વસ્તુઓ મળી છે જેની તમે કલ્પના પણ નહીં કરી હોય. આ ઘટના ખરેખર ચોંકાવનારી હતી. તે ખરાબ અને વિચિત્ર આદત રાખનારા લોકો માટે પણ ચેતવણી રુપ છે. જાણો જોધપુરમાં બનેલી આ વિચિત્ર ઘટના વિશે.
27 જુલાઈના રોજ આ 36 વ્યક્તિના પેટમાં દુખાવો થયો. તે તેની સારવાર માટે નજીકના હોસ્પિટલમાં ગયો. સારવાર દરમિયાન ડોકટરોને તેના પેટમાં ધાતુની ગાંઠ મળી. એક એક્સ રે પરથી ખબર પડી કે આ 36 વર્ષના વ્યક્તિના પેટમાં 1 રુપિયાના 63 કિસ્સા હતા. આ જાણી ડોક્ટરો પણ દંગ રહી ગયા.
Around 63 ₹1 coins were removed from the stomach of 36-year-old man in Rajasthan’s Jodhpur with the help of an ‘endoscopic procedure’. The doctors who removed the coins in a two-day-long operation said the patient swallowed them in a state of depression. 😨 pic.twitter.com/tpSt2zSo4a
— Tushar ॐ♫₹ (@Tushar_KN) July 31, 2022
ઓપરેશન બાદ પેટમાંથી નીકાળવામાં આવ્યા તમામ સિક્કા
જે હોસ્પિટલમાં તે સારવાર લઈ રહ્યો હતો તે હોસ્પિટલના ડોક્ટરોની એક ટીમે 2 દિવસના ઓપરેશનમાં એન્ડોસ્કોપિકની મદદથી તે વ્યક્તિના પેટમાંથી 1 રુપિયાના 63 સિક્કા નીકાળ્યા હતા. આ હોસ્પિટલના એચઓડી નરેન્દ્ર ભાર્ગવએ જણાવ્યુ કે, પેટમાં દુખાવાની સમસ્યા થતા આ વ્યક્તિનો એક્સ રે કરવામાં આવ્યો, જેના કારણે ખબર પડી કે આ 36 વર્ષીય દર્દીના પેટમાં 63 ભારતીય સિક્કા છે.
તેમણે આગળ જણાવ્યુ કે, જોધપુરના આ 36 વર્ષીય વ્યક્તિને પેટમાં દુખાવો થતો હતો. તેણે જણાવ્યુ હતુ કે તે 10-15 સિક્કા ગળી ગયો છે. અમે એક્સ રેમાં આ ધાતુની ગાંઠ જોઈ અને તેનું 2 દિવસ ઓપરેશન કરી તે તમામ 63 સિક્કા નીકાળ્યા હતા. હવે તેની સ્થિતિ સ્થિર છે. ડોકટરો દ્વારા તેને મનોરોગનો ઉપચાર કરવાની સલાહ આપી છે. તેને તણાવની સ્થિતિમાં કે ભૂખ લાગે ત્યારે તે સમયે કઈ પણ ખાવાની અને ગળી જવાની આદત છે. સામાન્ય રીતે આવા કિસ્સા નાના નાદાન બાળકો સાથે બનતા હોય છે, પણ 36 વર્ષના માણસના પેટમાંથી 63 સિક્કા મળવાની વાત જોધપુરમાં અને સોશિયલ મીડિયામાં જબરદસ્ત વાયરલ થઈ હતી.