ટ્વીટર પર જલ્દી જ 150 પસંદના યુઝર્સ સાથે શેર કરી શકાશે ટ્વીટ, આવી રહ્યું છે આ નવું ફિચર
ટ્વીટરના પ્રવક્તા તાતિયાના બ્રિટે ધ વર્જને જણાવ્યું હતું કે ટ્વીટર હંમેશા લોકોને વાતચીતમાં સામેલ કરવામાં મદદ કરવા માટે નવી રીતો પર કામ કરે છે.
માઈક્રો-બ્લોગિંગ સાઈટ ટ્વીટર કથિત રીતે એક એવું (Twitter Flock feature) ફિચર વિકસાવી રહ્યું છે, જે વપરાશકર્તાઓને ચોક્કસ ટ્વીટ્સ મોકલવા માટે લોકોની મહત્તમ 150 યુઝર્સ લીસ્ટ બનાવવાની મંજૂરી આપશે. ત્યારે Instagramનું ક્લોઝ ફ્રેન્ડ્સ ફિચર તમને એ જ વસ્તુ કરવા દે છે, પરંતુ ટ્વીટરના કિસ્સામાં તમે તમારી ટ્વીટ્સને તમારા ફ્લોક સુધી મર્યાદિત હશે, ધ વર્જના અહેવાલ મુજબ ટ્વીટરે સૌપ્રથમ ગયા જુલાઈમાં આ સુવિધાને ઈન્ટ્રોડ્યુઝ કરી હતી, જેને તે સમયે Trusted Friends તરીકે ઓળખવામાં આવ્યું હતું. રિપોર્ટ અનુસાર ટ્વીટર એવા પેજ પર કામ કરી રહ્યું છે, જે ફ્લોક વિશે વધુ વિગતો બતાવે છે, જે સૂચવે છે કે તમે 150 સભ્યોને ઉમેરી શકો છો.
ફક્ત પસંદના વપરાશકર્તાઓ જ તમારા ફ્લોકને મોકલેલી ટ્વીટ્સ જોઈ શકે છે અથવા તેનો જવાબ આપી શકે છે અને જો તમે નક્કી કરો કે તમે હવે તમારા ફ્લોકમાં કોઈને ઈચ્છતા નથી તો Twitter નોંધે છે કે તમે તેને કોઈપણ સમયે તમારી લીસ્ટમાંથી દૂર કરી શકો છો. તમે લોકોને કાઢી શકો છો અને તેઓને કોઈ નોટિફિકેશન મળશે નહીં.
ફ્લોકને ટ્વીટ્સ મોકલવા માટે ઉપલબ્ધ હશે ઓડિયન્સ ઓપ્શન
તમારા ફ્લોકને ટ્વીટ મોકલવા માટે એવું લાગે છે કે ટ્વીટર પોતાના દ્વારા આ મોકલતા પહેલા એક ઓડિયન્સ ઓપ્શન શો કરશે, જે તમને બધા Twitter અને તમારા પસંદ કરેલા વપરાશકર્તાઓ વચ્ચે પસંદગી કરવાની મંજૂરી આપશે.
Twitterએ સપ્ટેમ્બરમાં ઓનલી-ઈનવાઈટ કમ્યુનિટી લોન્ચ કર્યું, એક એવું ફિચર જે તમને સામાન્ય રુચિ ધરાવતા વપરાશકર્તાઓ સાથે જોડાવા દે છે. જેમ તમે તમારી ટ્વિટ્સને તમારા ફ્લોક્સ સુધી મર્યાદિત કરી શકો છો, તેમ તમે તમારા બધા વિઝિટર્સને બદલે સ્પેશિયલ કમ્યુનિટીને ટ્વિટ્સ મોકલી શકો છો.
ટ્વિટરના પ્રવક્તા તાતિયાનાના બ્રિટે ધ વર્જને જણાવ્યું હતું કે ટ્વીટર હંમેશા લોકોને વાતચીતમાં જોડવામાં મદદ કરવા માટે નવી રીતો પર કામ કરે છે અને અમે હાલમાં લોકો માટે વધુ ખાનગી રીતે શેર કરવાની રીતો શોધી રહ્યા છીએ. આ સમયે અમારી પાસે આ સુવિધા વિશે શેર કરવા માટે કોઈ વધુ સમાચાર નથી, પરંતુ અમે Twitter Flockની પુષ્ટિ કરી શકીએ છીએ.
આ પણ વાંચો: Viral: ચિપ્સ માટે બાળકીએ ગજબની ટ્રીક અજમાવી, લોકો બોલ્યા ‘હવે સ્કૂલ ખૂલી જાય તો સારૂ’
આ પણ વાંચો: Lifestyle : ડુંગળી જેટલો જ ફાયદાકારક છે ડુંગળીનો રસ, જાણો આ પાંચ આશ્ચર્યજનક લાભ
Latest News Updates
