Technology News: Gmail પર આવ્યું આ ખાસ ફીચર ! ગૂગલ ચેટથી સરળતાથી થઈ શકશે Video અને Audio કોલિંગ
ગૂગલ એક એવું ફીચર લાવ્યું છે, જેમાં યુઝર્સ જીમેલમાં ગૂગલ ચેટ દ્વારા જ એકબીજા સાથે ઓડિયો અને વીડિયો કોલ કરી શકશે. અમેરિકન કંપનીએ પોતાના યૂઝર્સને એક બ્લોગ પોસ્ટમાં આ જાણકારી આપી છે.
ગૂગલ (Google)તેના યુઝર્સ માટે નવા ફીચર્સ લાવીને અનુભવોમાં ફેરફાર કરતું રહે છે અને હવે કંપનીએ ફરી એકવાર જોરદાર ફીચરની જાહેરાત કરી છે. હકીકતમાં ગૂગલ એક એવું ફીચર લાવ્યું છે, જેમાં યુઝર્સ જીમેલમાં ગૂગલ ચેટ દ્વારા જ એકબીજા સાથે ઓડિયો અને વીડિયો કોલ કરી શકશે.
અમેરિકન કંપનીએ પોતાના યૂઝર્સને એક બ્લોગ પોસ્ટમાં આ જાણકારી આપી છે. જેમાં સારી વાત એ છે કે આ નવું ફીચર એન્ડ્રોઇડ અને iOS બંને યુઝર્સ માટે ઉપલબ્ધ હશે. આ માટે કોલર અને રીસીવર બંને પાસે જીમેલનું નવું વર્ઝન હોવું જોઈએ. તેની ખાસ વાત એ છે કે તમે ન ફક્ત Gmail યુઝરને જ કૉલ કરી શકશો, પરંતુ Gmailમાં તમે મિસ્ડ કૉલ્સ અને ચાલુ કૉલ્સની વિગતો પણ જોઈ શકશો.
ગૂગલે સપ્ટેમ્બરમાં આ ફીચરની જાહેરાત કરી હતી, જે હવે નવા અપડેટ દ્વારા યુઝર્સ સુધી પહોંચી રહી છે. કોલિંગ ફીચર માટે, હવે ગૂગલ ચેટમાં, તમને ફોન અને વિડિયો આઇકોન્સ પણ ટોચ પર દેખાવા લાગશે.
કૉલ કરવા માટે, તમારે આ ચિહ્નો પર ટેપ કરવું પડશે. Gmail તમને બ્લુ બેનર દ્વારા ચાલુ કોલ વિશે જણાવશે, જે સ્ક્રીનની ટોચ પર હશે. તેમાં વ્યક્તિનું નામ અને કૉલની અવધિ હશે. જેમાં મિસ્ડ કોલ માટે ખાસ સુવિધા આપવામાં આવી છે. મિસ્ડ કોલ રેડ કલરના ફોન અથવા વીડિયો આઇકોન દ્વારા જાણી શકાશે.
નવી કૉલિંગ સુવિધા વ્યક્તિગત Google એકાઉન્ટ ધરાવતા તમામ વપરાશકર્તાઓ તેમજ Google Workspace, GSuite Basic અને બિઝનેસ ગ્રાહકો માટે રોલઆઉટ કરવામાં આવી રહી છે.
કૉલ કરવા માટે, તે જરૂરી છે કે કૉલર અને કૉલ પ્રાપ્ત કરનાર બંને Gmail ના નવા સંસ્કરણનો ઉપયોગ કરતા હોય.
આ બાબતનું રાખવું પડશે ધ્યાન
આમાં, ભલે તમે Google Chat એપમાંથી ‘Join a call’ પસંદ કરી શકો, પરંતુ તમે સીધા Gmail એપ પર આવશો જ્યાં તમે કૉલ કરી શકશો. જો તમારી પાસે તમારા ગેજે્ટસ પર Gmail એપ્લિકેશન નથી, તો તેને Google Play Store અથવા App Store પરથી ડાઉનલોડ કરી શકો છો. ગૂગલે કહ્યું કે, જ્યારે આ ફીચર ગૂગલ ચેટ એપ પર ઉપલબ્ધ થશે ત્યારે તેની માહિતી આપવામાં આવશે.
આ પણ વાંચો: PM Kisan Yojana: 10મો હપ્તો મેળવનારનું લીસ્ટ તૈયાર, આ રીતે ચેક કરો તમારૂ નામ
