Technology: લોન્ચિંગ પહેલા Android 13 ની ખાસ જાણકારી થઈ લીક ! પુરી રીતે બદલાઈ જશે તમારો એન્ડ્રોઈડ ફોન

Technology: લોન્ચિંગ પહેલા Android 13 ની ખાસ જાણકારી થઈ લીક ! પુરી રીતે બદલાઈ જશે તમારો એન્ડ્રોઈડ ફોન
Android Version (Symbolic Image)

ઘણા મોબાઇલ ડિવાઈસ પર હજુ પણ Android 11 અથવા તેના પહેલાનું વર્ઝન છે. પરંતુ આ બધાની વચ્ચે ગૂગલે એન્ડ્રોઈડના આગામી વર્ઝનની જાહેરાત કરી છે. નવા એન્ડ્રોઇડ 13નું નામ 'તિરામિસુ' હોવાની અપેક્ષા છે.

TV9 GUJARATI

| Edited By: Pankaj Tamboliya

Dec 30, 2021 | 8:49 AM

ઘણા મોબાઇલ ડિવાઈસ પર હજુ પણ Android 11 અથવા તેના પહેલાનું વર્ઝન છે. પરંતુ આ બધાની વચ્ચે ગૂગલે એન્ડ્રોઈડના આગામી વર્ઝનની જાહેરાત કરી છે. નવા એન્ડ્રોઇડ 13નું નામ ‘તિરામિસુ’ હોવાની અપેક્ષા છે. રિપોર્ટ અનુસાર, જો Google તેની વાર્ષિક ટાઈમલાઈનને અનુસરે છે, તો આ નવું વર્ઝન આવતા વર્ષના ફેબ્રુઆરીમાં પ્રથમ રાઉન્ડના ડેવલપર ટેસ્ટ માટે ઉપલબ્ધ થશે.

એન્ડ્રોઇડનું લેટેસ્ટ વર્ઝન (The latest version of Android) એન્ડ્રોઇડ 12 છે અને આ વર્ઝન અત્યારે મોટાભાગના સ્માર્ટફોન (Smartphone)પર ઉપલબ્ધ નથી. ઘણા મોબાઇલ ડિવાઈસ પર હજુ પણ Android 11 અથવા તેના પહેલાનું વર્ઝન ચાલે છે. પરંતુ આ બધાની વચ્ચે ગૂગલે એન્ડ્રોઈડ (Android)ના આગામી વર્ઝનની જાહેરાત કરી છે. પરંતુ આ પહેલા એક રિપોર્ટમાં એન્ડ્રોઈડના આ નવા વર્ઝનના સંભવિત ફીચર્સ (Possible features) લીક ​​થયા છે, તો ચાલો તમને તેના સંભવિત નવા ફીચર્સ વિશે જણાવીએ.

આ રિપોર્ટ XDA ડેવલપર્સ તરફથી આવ્યો છે, જેમાં XDA એ તેના સ્ત્રોતથી આ નવા એન્ડ્રોઇડ વર્ઝનના પ્રથમ બિલ્ડના કેટલાક સ્ક્રીનશૉટ્સ મેળવ્યા છે. આ સ્ક્રીનશોટ એન્ડ્રોઇડના કુલ ચાર નવા ફીચર્સ વિશે જણાવે છે. આ સિવાય આ નવું વર્ઝન તમારા સ્માર્ટફોનના ઓવરઓલ પરફોર્મન્સને પણ ઑપ્ટિમાઇઝ કરી શકે છે. તો ચાલો અમે તમને આ નવા વર્ઝનના ફીચર્સ વિશે જણાવીએ.

પરેશાન કરતા નોટિફિકેશનથી છૂટકારો

Android 13 તમને તમારા ફોન પર આવતી બિનજરૂરી સૂચનાઓથી રાહત આપી શકે છે. સ્ક્રીનશોટમાં બતાવવામાં આવ્યું છે કે નોટિફિકેશનને નિયંત્રિત કરવા માટે પ્રાઈવસી સેટિંગ હેઠળ પરમિશન મેનેજરની અંદર એક નવો વિકલ્પ આપવામાં આવ્યો છે.

આ વિકલ્પ તમને તમારા ફોનનું લોકેશન અને માઇક્રોફોનને મેનેજની સાથે સાથે તમારા સ્માર્ટફોનની ફાઇલો પરની એપ્સની ઍક્સેસ આપવાનો ઓપ્શન આપે છે.

આ કંઈક એવું હશે કે દરેક એપ માટે પોપ-અપ દેખાઈ શકે છે જેમાં તમને તે એપની સૂચના માટે પૂછવામાં આવશે. એવું છે કે નવી એપ્સ ઇન્સ્ટોલ કરતી વખતે એપ આપણા સ્માર્ટફોનના સ્ટોરેજ, ફાઇલોની ઍક્સેસ માંગે છે.

અલગ એપ્લિકેશન માટે અલગ ભાષા

નવા એન્ડ્રોઈડ વર્ઝનમાં તમને તમારી પસંદની ભાષામાં કોઈપણ એપનો ઉપયોગ કરવાનો વિકલ્પ મળશે. ગૂગલે એ જરૂરિયાતનો અહેસાસ કર્યો છે કે હવે ઘણા બહુભાષી વપરાશકર્તાઓ એન્ડ્રોઇડનો ઉપયોગ કરે છે, તેથી હવે ગૂગલે નવા એન્ડ્રોઇડના સિસ્ટમ સેટિંગમાં ‘એપ લેંગ્વેજ’નો વિકલ્પ આપ્યો છે. તે તમને કોઈપણ ચોક્કસ એપ્લિકેશન માટે ઉપલબ્ધ ભાષા બતાવશે. આનો અર્થ એ છે કે તમે એક એપ હિન્દીમાં અને બીજી તમિલ અથવા અંગ્રેજીમાં વાપરી શકો છો.

લોક સ્ક્રીન માટે નવું લેઆઉટ

નવા એન્ડ્રોઇડમાં, વપરાશકર્તાઓ હવે તેમની લોક સ્ક્રીનના ઘડિયાળ લેઆઉટને ટૉગલ કરી શકે છે. અત્યાર સુધી તે ઘડિયાળ કેન્દ્રમાં થાય છે, પરંતુ નવા નોટિફિકેશન આવ્યા બાદ તે ઉપર જતું રહેશે અને જેવી નોટિફિકેશન ક્લિયર કરશો તેવું જ ફરીથી કેન્દ્રમાં આવે છે. પરંતુ નવા એન્ડ્રોઇડ વર્ઝનમાં, તમે ઘડિયાળને લૉક સ્ક્રીન લેઆઉટની ટોચ પર કાયમ માટે રાખી શકો છો.

અન્ય સુવિધાઓની સાથે, Android તમને કેટલીક સુવિધાઓ ચાલુ અથવા બંધ કરવા માટે ટૉગલ વિકલ્પ આપી શકે છે. આ તમારા સ્માર્ટફોનના એનર્જી મેનેજમેન્ટને ઑપ્ટિમાઇઝ કરશે. આ સુવિધાઓ TARE એટલે કે ‘Android રિસોર્સ ઈકોનોમી’ હોવાની અપેક્ષા છે.

આ પણ વાંચો: ખેડૂતો ઘઉંના પાકમાં પીળા ગેરૂના પ્રકોપને અટકાવવા સમયસર કરો આ કામ

આ પણ વાંચો: Viral: મગરની અણી કાઢવાના ચક્કરમાં વાંદરો ફસાયો મગરોની વચ્ચે, જુઓ પછી શું થયું !

Follow us on

Related Stories

Most Read Stories

Click on your DTH Provider to Add TV9 Gujarati