Google સામે કાર્યવાહીના મૂડમાં સરકાર, લાગી શકે છે કરોડોનો દંડ, આ છે આરોપ
રાજીવ ચંદ્રશેખરે નવી દિલ્હીમાં આઇટી મંત્રાલયમાં એક ઇન્ટરવ્યુમાં જણાવ્યું હતું કે આવી પ્રવૃત્તિઓ ગંભીર છે અને ભારત સરકાર માટે ઊંડી ચિંતાનું કારણ છે. આવી સ્થિતિમાં ગૂગલ સામે કાર્યવાહી કરવાનો નિર્ણય લેવામાં આવ્યો છે.
ભારત સરકાર ગુગલ સામે પગલાં લેવાનું વિચારી રહી છે. ગૂગલ (Google) પર બજારમાં તેની મજબૂત સ્થિતિનો અયોગ્ય લાભ લેવાનો આરોપ છે. ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય મંત્રી રાજીવ ચંદ્રશેખરે એક ન્યૂઝ એજન્સીને જણાવ્યું હતું કે, ભારત સરકાર ગયા વર્ષે એન્ટી ટ્રસ્ટ વોચડોગને પગલે આલ્ફાબેટના ગૂગલ વિરુદ્ધ પગલાં લેવાની યોજના ધરાવે છે.
ગયા વર્ષે ઓક્ટોબરમાં જ ભારત સરકારની એન્ટિટ્રસ્ટ યુનિટે બે કેસમાં ગૂગલ પર 275 મિલિયન ડોલર એટલે કે લગભગ 2,280 કરોડ રૂપિયાનો દંડ લગાવ્યો હતો. એન્ડ્રોઇડ ઓપરેટિંગ સિસ્ટમ માર્કેટમાં તેના વર્ચસ્વનો દુરુપયોગ કરવા અને ડેવલપર્સને તેની ઇન-એપ પેમેન્ટ સિસ્ટમનો ઉપયોગ કરવા દબાણ કરવા બદલ Google પર દંડ પણ લાદવામાં આવ્યો હતો.
રાજીવ ચંદ્રશેખરે નવી દિલ્હીમાં આઇટી મંત્રાલયમાં એક ઇન્ટરવ્યુમાં જણાવ્યું હતું કે આવી પ્રવૃત્તિઓ ગંભીર છે અને ભારત સરકાર માટે ઊંડી ચિંતાનું કારણ છે. આવી સ્થિતિમાં ગૂગલ સામે કાર્યવાહી કરવાનો નિર્ણય લેવામાં આવ્યો છે. મંત્રાલયે પગલાં લેવા પડશે, એમ તેમણે ઉમેર્યું. તેના પર વિચાર કરવામાં આવ્યો છે. તમે તેને આવતા અઠવાડિયામાં જોશો. તે ચોક્કસપણે એવી વસ્તુ નથી કે જેને માફ કરી શકાય.
ચંદ્રશેખરે કહ્યું કે આ ખૂબ જ ચિંતાજનક છે, માત્ર આપણા માટે જ નહીં, પરંતુ ભારતમાં સમગ્ર ડિજિટલ ઇકોસિસ્ટમ માટે ગંભીર ચિંતાનો વિષય છે. તેમણે કહ્યું કે આ મુદ્દે ચર્ચાની જરૂર નથી. ગૂગલે હજુ સુધી આ રિપોર્ટ પર કંઈ કહ્યું નથી. થોડા દિવસો પહેલા સરકારના આદેશ બાદ ગૂગલે મોટો નિર્ણય લીધો છે.
ગૂગલે કહ્યું છે કે હવે ફોન સાથે પ્રી-ઇન્સ્ટોલ કરેલી ગૂગલ એપ્સને પણ અનઇન્સ્ટોલ કરી શકાશે. આપની જાણકારી માટે જણાવી દઈએ કે ભારતમાં 97 ટકા એટલે કે લગભગ 62 કરોડ મોબાઈલ યુઝર્સ એન્ડ્રોઈડ ફોનનો ઉપયોગ કરે છે અને આ તમામ ફોનમાં ગૂગલની ઓપરેટિંગ સિસ્ટમ છે. આવી સ્થિતિમાં, ભારત ગૂગલ માટે સૌથી મોટું બજાર છે.
ટેક્નોલોજીના તમામ સમાચાર વાંચવા માટે અહીં ક્લિક કરો