PAN Card માં ઘર બેઠા બદલી શકો છો પોતાની અટક, આ છે ઓનલાઈન પ્રોસેસ
યુઝર્સ લગ્ન પછી પાન કાર્ડ પરનું છેલ્લું નામ અને સરનામું પણ બદલી શકે છે. પાન કાર્ડમાં સરનામું અથવા અટક બદલવા માટે, કાર્ડધારકોએ 110 રૂપિયાનો ચાર્જ ચૂકવવો પડશે.
તમામ પ્રકારના નાણાકીય વ્યવહારો માટે પાન કાર્ડ (PAN Card) સૌથી મહત્વપૂર્ણ દસ્તાવેજ છે. તે 10 અંકના આલ્ફાન્યૂમેરિક PAN નંબર સાથે આવે છે. તેના વિના કોઈ નાણાકીય વ્યવહાર થઈ શકતો નથી. PAN કાર્ડ આવકવેરા ઓથોરિટી(Income Tax Authority)ને તમામ નાણાકીય વ્યવહારો પર નજર રાખવામાં મદદ કરે છે. જે વ્યક્તિ અથવા કંપનીઓની કર જવાબદારીનું મૂલ્યાંકન કરવા માટે જરૂરી છે. તે કરચોરીની શક્યતાઓને ઘટાડવામાં મદદ કરે છે. પાન કાર્ડમાં સરનામું અથવા અટક બદલવા માટે, કાર્ડધારકોએ 110 રૂપિયાનો ચાર્જ ચૂકવવો પડશે.
આ સિવાય ઘણી બાબતોમાં PAN કાર્ડનો ઉપયોગ ID પ્રૂફ તરીકે પણ થાય છે. યુઝર્સ લગ્ન પછી પાન કાર્ડ પરનું છેલ્લું નામ અને સરનામું પણ બદલી શકે છે. બેંક અથવા અન્ય કોઈપણ નાણાકીય વ્યવહાર, તમારો PAN નંબર આપવો ફરજિયાત છે. જોકે, કેટલીકવાર તમારા પાન કાર્ડમાં સરનેમ બદલવા જેવા ફેરફારો કરવા પડે છે. અહીં અમે તમને ઘરે બેઠા પાન કાર્ડમાં સરનેમ બદલવાની સંપૂર્ણ પ્રક્રિયા જણાવી રહ્યા છીએ.
PAN Card માં અટક બદલવાની પ્રોસેસ
સૌથી પહેલા નેશનલ સિક્યોરિટીઝ ડિપોઝિટરી લિમિટેડની વેબસાઇટ https://nsdl.co.in/ પર જાઓ.
‘Correction in Existing PAN‘ વિકલ્પ પસંદ કરો.
Category Type વિકલ્પ પસંદ કરો.
દસ્તાવેજોને સાચા નામ અને સાચી જોડણી સાથે જોડો.
સરનામું અથવા અટક બદલવા માટે, કાર્ડધારકોએ 110 રૂપિયાનો ચાર્જ ચૂકવવો પડશે.
સબમિટ વિકલ્પ પર ક્લિક કરો/ NSDL સરનામે આવકવેરા PAN સેવાઓ UNIT (NSDL ઇ-ગવર્નન્સ ઇન્ફ્રાસ્ટ્રક્ચર લિમિટેડ દ્વારા સંચાલિત) ને અરજી મોકલો.
અપડેટેડ પાન કાર્ડ અરજીની તારીખથી 45 દિવસની અંદર રજિસ્ટર્ડ સરનામે મોકલવામાં આવશે.
31મી માર્ચ સુધી છેલ્લી તક
આપને જણાવી દઈએ કે પાન કાર્ડને આધાર કાર્ડ સાથે લિંક કરવાની છેલ્લી તારીખ 31 માર્ચ 2022 છે. 31 માર્ચની સમયમર્યાદા સુધીમાં આમ કરવામાં નિષ્ફળતા તેમના પાન કાર્ડને અમાન્ય બનાવશે એટલું જ નહીં. જે લોકો પાન કાર્ડ અને આધારને લિંક નહીં કરાવે તેમને 1000 રૂપિયાનો દંડ ભરવો પડી શકે છે. આ માટે આવકવેરા કાયદામાં નવી કલમ 234H ઉમેરવામાં આવી છે.
વધુમાં, આવકવેરા અધિનિયમ 1961 ની કલમ 272N હેઠળ, જો વ્યક્તિ અમાન્ય પાન કાર્ડ બતાવે છે, તો મૂલ્યાંકન અધિકારી આવી વ્યક્તિને 10,000 રૂપિયાનો દંડ ભરવાનો નિર્દેશ આપી શકે છે.
પાન-આધાર સાથે લિંક ન થવાને કારણે અનેક પ્રકારની નાણાકીય સમસ્યાઓ આવી શકે છે, જેનો સામનો પાન કાર્ડ ધારકને કરવો પડી શકે છે. જો આ બે દસ્તાવેજો લિંક નહીં થાય તો PAN અમાન્ય થઈ જશે અને તેનાથી સંબંધિત તમામ કામ અટકી જશે.
આ સાથે, મ્યુચ્યુઅલ ફંડ્સ શેરમાં રોકાણ કરી શકશે નહીં, ન તો તેઓ કોઈ નવું બેંક ખાતું ખોલી શકાશે અને ન તો તેઓ જૂના ખાતાનું કેવાયસી (KYC) કરી શકશે. આ પ્રકારના કામ માટે માન્ય PAN કાર્ડ જરૂરી છે.
આ પણ વાંચો: Crime: શખ્સે એપ દ્વારા સામાન્ય રકમની લીધી હતી લોન, કંપનીએ ડરાવી ધમકાવી પડાવ્યા હજારો રૂપિયા
આ પણ વાંચો: Google Pay Limit: એક દિવસમાં કેટલા રૂપિયા કરી શકાય છે ટ્રાન્સફર, જાણો લીમિટ પૂરી થયા પછી શું કરવું
