Google Translateમાં હવેથી સંસ્કૃત ભાષાનો પણ દબદબો, ગૂગલે ઉમેરી સંસ્કૃત સહિત આઠ ભારતીય ભાષાઓ

બંધારણની આઠમી અનુસૂચિ ભારતની ભાષાઓ સાથે સંબંધિત છે અને આ સૂચિમાં 22 ભારતીય ભાષાઓનો સમાવેશ કરવામાં આવ્યો છે. પરંતુ ગૂગલના લેટેસ્ટ (Google Translate) અપડેટમાં ભારતની તમામ 22 અનુસૂચિત ભાષાઓને આવરી લેતા નથી.

Google will now also translate Sanskrit

TV9 Gujarati | Edited By: Meera Kansagara | Updated on: May 12, 2022 | 4:39 PM

Googleએ ગૂગલ ટ્રાન્સલેટમાં (Google Translate) સંસ્કૃત સહિત આઠ ભારતીય ભાષાઓ (Sanskrit language) ઉમેરી છે. ઈન્ટરનેટ ફર્મ તેના ઓનલાઈન ટ્રાન્સલેશન પ્લેટફોર્મમાં સતત અનેક પ્રાદેશિક ભાષાઓ ઉમેરી રહી છે. જેથી કરીને લોકોને કોઈ પણ મુશ્કેલી ઉભીના થાય. ગૂગલ રિસર્ચના સિનિયર સોફ્ટવેર એન્જિનિયર આઇઝેક કેસવેલે ETને એક એક્સક્લુઝિવ ઇન્ટરવ્યુમાં જણાવ્યું હતું કે, “સંસ્કૃતએ ગૂગલ ટ્રાન્સલેટમાં નંબર વન અને સૌથી વધુ વિનંતી કરાયેલી ભાષા છે અને હવે અમે આખરે તેને ઉમેરી રહ્યા છીએ.” અમે પ્રથમ વખત પૂર્વોત્તર ભારતની ભાષાઓને જોડી રહ્યા છીએ.”

Google Translateમાં ભારતીય ભાષાઓની કુલ સંખ્યા હવે 19

સંસ્કૃત ઉપરાંત ગૂગલ ટ્રાન્સલેટની લેટેસ્ટ ભાષાઓમાં અન્ય ભારતીય ભાષાઓ આસામી, ભોજપુરી, ડોંગરી, કોંકણી, મૈથિલી, મિઝો અને મણિપુરી છે. આ સાથે ગૂગલ ટ્રાન્સલેટ પર ઉપલબ્ધ ભારતીય ભાષાઓની કુલ સંખ્યા હવે 19 થઈ ગઈ છે. બુધવારે મોડી રાત્રે શરૂ થયેલી વાર્ષિક Google I/O કોન્ફરન્સમાં આ જાહેરાત કરવામાં આવી હતી. ગૂગલની આ મેગા ઈવેન્ટનું આયોજન દર વર્ષે કરવામાં આવે છે. ગૂગલ ટ્રાન્સલેટમાં 24 નવી ભાષાઓ ઉમેરવામાં આવી છે. હવે તે કુલ 133 ભાષાઓને સપોર્ટ કરશે.

આ અંગે કેસવેલે ETને જણાવ્યું હતું કે, “અમે સુનિશ્ચિત ભાષાઓના આ અંતરને ઘટાડવા માટે ઘણી હદ સુધી પ્રયાસ કર્યો છે.”

Web Stories View more

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

📢 Announced at #GoogleIO: 8 new Indian languages are coming to Google Translate.

24 new languages have been added to Google Translate, including Assamese, Bhojpuri, Dogri, Konkani, Maithili, Meiteilon (Manipuri), Mizo and Sanskrit. pic.twitter.com/QMbHKwUwMp

— Google India (@GoogleIndia) May 11, 2022

અનુવાદને લગતી ખામીઓને દૂર કરવા માટે પણ કામ કરી રહ્યું છે

અપડેટમાં ઉમેરવામાં આવેલી તમામ ભાષાઓ ફક્ત ટેક્સ્ટ ટ્રાન્સલેશન ફીચરમાં જ સપોર્ટ કરવામાં આવશે, પરંતુ કંપની ટૂંક સમયમાં વૉઇસ ટુ ટેક્સ્ટ, કૅમેરા મોડ અને અન્ય સુવિધાઓને રોલઆઉટ કરવા પર કામ કરશે. “અમે તેમના પર કામ કરી રહ્યા છીએ, પરંતુ તે હજુ સુધી આ બધી ભાષાઓને સપોર્ટ નહી કરી શકે.” તેમણે કહ્યું.

ગૂગલ ભારતીય ભાષાઓના અનુવાદને લગતી ખામીઓને દૂર કરવા માટે પણ કામ કરી રહ્યું છે. કેસવેલે વધુમાં જણાવ્યું કે,”અમે સમજીએ છીએ કે ભારતીય ભાષાઓ માટે અમારા મોડેલ દ્વારા વારંવાર કરવામાં આવતી અનુવાદમાં ભૂલો જૂના શબ્દોની હોય છે.” તેણે કહ્યું કે, ઘણીવાર એવા શબ્દોનું ભાષાંતર કરવામાં આવે છે જે લોકો જાણતા નથી અથવા તેનો નિયમિત ઉપયોગ કરતા નથી.

તેમણે કહ્યું. “અમે સમસ્યાઓને વધુ સારી રીતે સમજવાનો પ્રયાસ કરી રહ્યા છીએ અને આશા રાખીએ છીએ કે અમારા મોડલને આ જૂના જમાનાની જગ્યાએ વધુ બોલચાલના આઉટપુટ તરફ ખસેડીશું,”