Instagramનું નવું ધમાકેદાર ફીચર ! હવે કેરેસોલ પોસ્ટના દરેક ફોટો માટે લખી શકશો અલગ ‘Caption’
Instagram ટૂંક સમયમાં એવી સુવિધા રજૂ કરી શકે છે જે Carousel પોસ્ટ્સને વધુ ઉપયોગી બનાવશે. નવા ફીચર હેઠળ દરેક ફોટો અથવા વીડિયો માટે અલગ Caption ઉમેરવાની સગવડ મળશે, જે કન્ટેન્ટ ક્રીએટર અને Business Accounts માટે ખાસ ફાયદાકારક બની શકે છે.
સોશિયલ મીડિયા પ્લેટફોર્મ Instagram પોતાના યુઝર્સને વધુ સારો અનુભવ આપવા માટે સમયાંતરે નવી સુવિધાઓ રજૂ કરતું રહે છે. હવે કંપની એક એવા ફીચરનું પરીક્ષણ કરી રહી હોવાનું જાણવા મળી રહ્યું છે, જે Carousel પોસ્ટ્સ બનાવવાની રીતમાં મહત્વનો ફેરફાર લાવી શકે છે. આ નવી સુવિધા દ્વારા યુઝર્સ એક જ કેરેસોલ પોસ્ટમાં સામેલ દરેક ફોટો અથવા વિડિયો માટે અલગ-અલગ કેપ્શન લખી શકશે.
દરેક સ્લાઇડ માટે મળશે અલગ કેપ્શન
ઇન્સ્ટાગ્રામનું નવું મલ્ટિપલ કેપ્શન ફીચર કેરેસોલ પોસ્ટને વધુ ઇન્ટરેક્ટિવ અને માહિતીપ્રદ બનાવશે. કેરેસોલ પોસ્ટમાં યુઝર્સ એકસાથે અનેક ફોટા અને વિડિયો શેર કરે છે, પરંતુ અત્યાર સુધી સમગ્ર પોસ્ટ માટે માત્ર એક કેપ્શન ઉમેરવાની જ સુવિધા ઉપલબ્ધ હતી.
હવે નવા અપડેટ બાદ દરેક સ્લાઇડ માટે અલગ કેપ્શન લખી શકાશે. એટલે કે, યુઝર્સ દરેક ફોટો અથવા વિડિયો સાથે તેની સંબંધિત માહિતી, સ્ટોરી અથવા વર્ણન સીધું જ તે સ્લાઇડ પર શેર કરી શકશે. આથી કન્ટેન્ટને વધુ સ્પષ્ટ રીતે રજૂ કરવું સરળ બનશે અને દર્શકોને દરેક ફોટો અથવા વિડિયો જોતી વખતે તેની યોગ્ય માહિતી અને સંદર્ભ પણ તરત જ મળી શકશે.
મલ્ટિપલ કેપ્શન ફીચર કેવી રીતે કામ કરશે?
ઇન્સ્ટાગ્રામએ આ ફીચરને પોસ્ટ બનાવવાની પ્રક્રિયામાં જ સામેલ કર્યું છે. યુઝર્સે પહેલા કેરેસોલ પોસ્ટ માટે ફોટા અથવા વિડિયો પસંદ કરવા પડશે. ત્યારબાદ કેપ્શન વિભાગમાં સિંગલ કેપ્શન અને મલ્ટિપલ કેપ્શનનો વિકલ્પ જોવા મળશે.
મલ્ટિપલ કેપ્શન પસંદ કર્યા પછી દરેક સ્લાઇડ માટે અલગ Text Field ખુલશે, જ્યાં યુઝર્સ દરેક ફોટો અથવા વિડિયો માટે અલગ કેપ્શન લખી શકશે. ઉદાહરણ તરીકે, જો કોઈ 10 તસવીરો અપલોડ કરે છે, તો તે તમામ 10 માટે અલગ-અલગ કેપ્શન ઉમેરી શકશે. આથી પોસ્ટ વધુ ગોઠવાયેલી અને આકર્ષક બનશે.
Android અને iPhone યુઝર્સને મળશે ફાયદો
ઇન્સ્ટાગ્રામએ આ ફીચર Android અને iOS બંને પ્લેટફોર્મ માટે રોલઆઉટ કરી દીધું છે. તેનો ઉપયોગ કરવા માટે યુઝર્સે ઇન્સ્ટાગ્રામ એપને લેટેસ્ટ વર્ઝનમાં અપડેટ કરવી પડશે.
કંપનીના જણાવ્યા અનુસાર, આ ફીચર ખાસ કરીને એવા ક્રિએટર્સ માટે ઉપયોગી રહેશે, જેઓ સ્ટેપ-બાય-સ્ટેપ ગાઇડ, સ્ટોરી આધારિત પોસ્ટ્સ અથવા પ્રોડક્ટ શોકેસ જેવા કન્ટેન્ટ શેર કરે છે. હવે દરેક સ્લાઇડ સાથે અલગ કેપ્શન દેખાશે, જેના કારણે દર્શકોને દરેક ફોટો અથવા વિડિયો વિશે વધુ સ્પષ્ટ અને ચોક્કસ માહિતી મળશે.
આ પણ વાંચો: Two-Step Verification શું છે?
