Tech Tips: રોડ એક્સિડેન્ટ અને ચલણથી બચાવશે Google Maps, ડ્રાઈવિંગ દરમિયાન કરશે એલર્ટ
એક એવું ફીચર છે જે તમારા માટે ખુબ ઉપયોગી છે. આ ફીચર તમારા ડ્રાઈવિંગને માત્ર સુરક્ષિત જ નહીં બનાવે પણ તમને તમારું ચલણ કાપવાથી પણ બચાવે છે. પરંતુ માહિતીના અભાવે બહુ ઓછા લોકો આ સુવિધાનો ઉપયોગ કરે છે.
ગૂગલ મેપ (Google Maps)એ આપણી મુસાફરીને ખૂબ જ સરળ બનાવી છે. હવે જ્યારે પણ ફરવાનો મૂડ હોય નીકળી જવાનું, ત્યારે રસ્તો બતાવશે તમારો પોકેટનો સાથી ગૂગલ મેપ, ગૂગલ મેપ્સની મદદથી તમે જ્યાં જવા માગો છો ત્યાં ભટક્યા વિના પહોંચવું સરળ બની જાય છે. ગૂગલ મેપ તમને માત્ર રસ્તો જ નથી જણાવતું પણ બીજી ઘણી બાબતોમાં પણ મદદ કરે છે. ત્યારે એક એવું ફીચર છે જે તમારા માટે ખુબ ઉપયોગી છે. આ ફીચર તમારા ડ્રાઈવિંગને માત્ર સુરક્ષિત જ નહીં બનાવે પણ તમને તમારું ચલણ કાપવાથી પણ બચાવે છે. પરંતુ માહિતીના અભાવે બહુ ઓછા લોકો આ સુવિધાનો ઉપયોગ કરે છે.
Google Maps સ્પીડ લિમિટ વોર્નિંગ
ગૂગલ મેપ્સમાં છુપાયેલ એક ફીચર છે, ગૂગલ મેપ્સ સ્પીડ લિમિટ વોર્નિંગ. જ્યારે તમે ખૂબ ઝડપથી ડ્રાઈવિંગ કરતી વખતે સ્પીડ લિમિટ ઓળંગો છો, ત્યારે આ ફીચર તમને એલર્ટ કરશે કે તમારા વાહનની સ્પીડ નિર્ધારિત મર્યાદા કરતાં વધુ છે. આ માટે સ્ક્રીન પર નોટિફિકેશન દેખાવા લાગે છે. તમને એલર્ટ મળતાની સાથે જ તમે વાહનની સ્પીડને કંટ્રોલ કરી શકો છો. આજકાલ, મહાનગરમાં દરેક જગ્યાએ સ્પીડ કેમેરા લગાવવામાં આવ્યા છે, જે ઓવર સ્પીડ વાહનોના ફોટા ક્લિક કરે છે અને ઓટોમેટિક ચલણ કાપીને ઘરે મોકલી આપે છે.
અકસ્માત નિવારણ
માર્ગ અકસ્માતના મોટાભાગના કિસ્સાઓ વધુ પડતી ઝડપના કારણે બને છે. Google Mapsની મદદથી સ્પીડ લિમિટની ચેતવણીથી તમારી સ્પીડ કંટ્રોલમાં રહેશે અને અકસ્માતની શક્યતા ઘણી હદ સુધી ઘટી જશે. જ્યારે તમે આ સુવિધા સાથે નેવિગેશનનો ઉપયોગ કરીને ડ્રાઈવિંગ કરો છો, ત્યારે તે તમને તમારી સ્પીડ જણાવવા સાથે ઓવર સ્પીડનો સંકેત પણ આપે છે. આ ક્રમમાં ગૂગલ મેપનું સ્પીડોમીટર રંગ બદલે છે અને તમારા માટે જોખમ સૂચવે છે. તમે સ્ક્રીન પર મુસાફરી સમયની અવધિના ઉપરના ડાબા ખૂણામાં સ્પીડ લિમિટ વિભાગમાં આ રંગ બદલવાનું સિગ્નલ જોશો.
કેવી રીતે કરવો ઉપયોગ
ગૂગલ મેપ્સની આ સુવિધાનો ઉપયોગ કરવા માટે પહેલા તમારી ગૂગલ મેપ એપ્લિકેશન ખોલો. અહીં જમણી અને ઉપરની બાજુએ બનાવેલ પ્રોફાઈલ ફોટોના વિભાગ પર જાઓ. અહીં તમે સેટિંગનો વિકલ્પ જોશો. તેના પર ક્લિક કરો. આ પછી નેવિગેશન સેટિંગ્સ (Navigation Settings) પર જાઓ અને સ્પીડ લિમિટ બટનને ચાલુ કરો. તમે તેને ઓન કરતાની સાથે જ સ્પીડોમીટર ફીચર કામ કરવાનું શરૂ કરી દેશે અને તમને નોટિફિકેશન મળવા લાગશે.
આ પણ વાંચો: Technology: Instagram એ અપડેટ કર્યા સિક્યોરિટી ફિચર્સ, યુઝર્સને મળશે હવે વધુ સુરક્ષા