Google Drive Features: ગૂગલ ડ્રાઈવના આ પાંચ જબરદસ્ત ફિચર્સ, ઘણા ઓછા લોકોને જ છે ખબર
આજના અહેવાલમાં, અમે તમને Google ડૉક્સના કેટલાક અદ્ભુત ફીચર્સ વિશે જણાવીશું, જે જાણીને તમારું ઘણું બધું કામ સરળ થઈ જશે. તો ચાલો જાણીએ.
મોટાભાગના લોકો આજે જીમેઈલ (Gmail)નો ઉપયોગ કરી રહ્યા છે. ત્યારે લોકો જીમેઈલ એકાઉન્ટનો ઉપયોગ માત્ર મેઈલિંગ માટે જ કરે છે, પરંતુ ગૂગલ ડ્રાઈવ (Google Drive) અને ગૂગલ ડોક્સના ઉપયોગ વિશે બહુ ઓછા લોકો જાણે છે. માત્ર થોડા જ લોકો Google ડૉક્સની શાનદાર સુવિધાઓથી વાકેફ હશે જેમ કે વૉઈસ ટાઈપિંગ, ક્લિયર ફોર્મેટિંગ, કમેન્ટમાં કોઈને ટેગ કરવા. આજના અહેવાલમાં અમે તમને Google ડૉક્સના કેટલાક અદ્ભુત ફીચર્સ વિશે જણાવીશું, જે જાણીને તમારું ઘણું બધું કામ સરળ થઈ જશે. તો ચાલો આજે તમને જણાવીએ.
ઑફલાઈન મોડ
ગૂગલ ડોક્સમાં કામ કરવા માટે તમારે ઓનલાઈન હોવું જરૂરી નથી. તમે ઑફલાઈન પણ Google ડૉક્સમાં કામ કરી શકો છો. તમે ગૂગલ ડ્રાઈવના સેટિંગમાં જઈને ઓફલાઈન મોડ ઓન કરી શકો છો. ગૂગલ ડોક્સનો સૌથી મોટો ફાયદો એ છે કે તમારે કન્ટેન્ટને વારંવાર સેવ કરવાની જરૂર નથી. દસ્તાવેજમાં સામગ્રી ઓટો સેવ થાય છે.
વૉઈસ ટાઈપિંગ કરો
જો તમને લાગે કે તમે ટાઈપ કરીને કંટાળી ગયા છો તો તમે બોલીને હિન્દી-અંગ્રેજી સહિત ઘણી ભાષાઓમાં ટાઈપિંગ કરી શકો છો. આ માટે જીમેઈલમાં લોગિન કરો, જમણી બાજુએ પ્રોફાઈલ ફોટોની બાજુમાં 9 ડોટ પર ક્લિક કરો, ગૂગલ ડ્રાઈવ ખોલો અને પછી ઉપર ડાબી બાજુએ બતાવેલ ન્યૂ પર ક્લિક કરીને ગૂગલ ડોક્સ ખોલો. હવે ડોક્સની ટોચ પર દેખાતા બારમાં Tools પર ક્લિક કરો. ત્યાં તમને વૉઈસ ટાઈપિંગનો વિકલ્પ મળશે. હવે વૉઇસ ટાઈપિંગ પર ક્લિક કરો, તમારી ભાષા પસંદ કરો અને બોલો. જો કે આ ટૂલ ફક્ત Google Chrome બ્રાઉઝરમાં જ કામ કરશે.
ક્લિયર ફોર્મેટિંગ
ઘણી વખત આપણે અન્ય સાઈટમાંથી સામગ્રી કોપી કરીએ છીએ અને તેને Google ડૉક્સમાં પેસ્ટ કરીએ છીએ. આવી સ્થિતિમાં સામગ્રીને તે વેબસાઈટના ફોર્મેટિંગમાં દસ્તાવેજમાં પણ પેસ્ટ કરવામાં આવે છે. આવી સ્થિતિમાં તમને સામગ્રીને એડિટ કરવામાં મુશ્કેલી આવી શકે છે. તેથી સમગ્ર કન્ટેન્ટ પસંદ કરીને મેનુ બારમાં ફોર્મેટ પર જાઓ અને ક્લિયર ફોર્મેટિંગ અથવા દસ્તાવેજની ટોચ પર જમણી સાઈટમાં બતાવેલ Tx પર ક્લિક કરો.
મનપસંદ આકારનો ફોટો
જો તમે ઈચ્છો તો તમે કોઈપણ દસ્તાવેજમાં ટેક્સ્ટ સાથે કોઈપણ કદનો ફોટો ઉમેરી શકો છો. આ માટે ડૉક્સના મેનુ બારમાંથી Insert > Drawing > Shape પર જાઓ. સેપ પસંદ કર્યા પછી, T (Text Box) પર ક્લિક કરો અને ફોટામાં તમને જે લખાણ જોઈતું હોય તે લખો. ડૉક્સમાં જ ફોટો મૂકવો જરૂરી નથી, તમે ઈચ્છો તો તેને ડાઉનલોડ પણ કરી શકો છો.
કોમેન્ટમાં કોઈને ટેગ કરો
માઈક્રોસોફ્ટ વર્ડની જેમ તમે ગૂગલ ડોક્સમાં પણ ટાઈપિંગ અને લેટર ટાઈપનું કામ કરી શકો છો. જો તમે કોઈપણ દસ્તાવેજને સંપાદિત કરી રહ્યાં હોવ અને તેમાં કોઈ ભૂલ હોય અથવા કોઈ સૂચન લેવા માંગતા હોય તો તમે જે વાક્યમાંથી સૂચન લેવા/બતાવવા માંગો છો તેને પસંદ કરીને તેને ટેગ કરી શકો છો. તમે જેને ટેગ કરશો તેને ઈ-મેલ મોકલવામાં આવશે અને તમે કોમેન્ટમાં શું લખ્યું છે તે પણ દેખાશે.
આ પણ વાંચો: Technology: ઈન્ટરનેટ અને Paytm એપ ઓપન કર્યા વગર પણ કરી શકાય છે પેમેન્ટ, જાણો શું છે પ્રોસેસ
આ પણ વાંચો: Viral: સોશિયલ મીડિયા પર વાયરલ થયો ડ્રોનવાળી ખેતીનો વીડિયો, લોકોએ કહ્યું ‘નવા ભારતની નવી કૃષિ’
