Hyderabad: રોમાંચક ફિનાલે બાદ RPPLની ‘કાર્ટિંગ સુપરસિરીઝ’ એ કરી ભારતના નેક્સ્ટ રેસિંગ સ્ટારની શોધ
Hyderabad Karting Race : ભારતમાં આગામી રેસિંગ પ્રતિભાને ઓળખવા અને તેનું સંવર્ધન કરવાના ઉદ્દેશ્યવાળી આ ટુર્નામેન્ટમાં ભાગ લેનારા 14 કે તેથી વધુ વયના ડ્રાઇવરો એ કેટલાક અદ્ભુત કૌશલ્યો દર્શાવ્યા હતા. તેઓ તેમની અદ્ભુત પ્રતિભાથી પ્રેક્ષકોને મોહિત કરવામાં સફળ રહ્યા હતા.
Hyderabad : રેસિંગ પ્રમોશન્સ પ્રાઈવેટ લિમિટેડ (RPPL) ની ‘કાર્ટિંગ સુપરસિરીઝ’નું આજે જૂન 04 રવિવારના રોજ હૈદરાબાદમાં સમાપન થયું હતું. જેમાં યુવા રચિત સિંઘલ વિજેતા તરીકે ઉભરી આવ્યા હતા. ભારતમાં આગામી રેસિંગ પ્રતિભાને ઓળખવા અને તેનું સંવર્ધન કરવાના ઉદ્દેશ્યવાળી આ ટુર્નામેન્ટમાં ભાગ લેનારા 14 કે તેથી વધુ વયના ડ્રાઈવરો એ કેટલાક અદ્ભુત કૌશલ્યો દર્શાવ્યા હતા. તેઓ તેમની અદ્ભુત પ્રતિભાથી પ્રેક્ષકોને મોહિત કરવામાં સફળ રહ્યા હતા.
રેસિંગ પ્રમોશન્સ પ્રાઈવેટ લિમિટેડ (RPPL) એક સ્વપ્નદ્રષ્ટા જૂથ કે જેણે ઈન્ડિયન રેસિંગ લીગ (IRL) ની શરૂઆતની સીઝનની સફળતાની પહેલ કરી હતી, એક સિંગલ-સીટર મોટર રેસિંગ ચેમ્પિયનશિપ જે સમગ્ર ભારતમાં યોજાઈ હતી, તેણે સફળતાપૂર્વક ‘કાર્ટિંગ સુપર સિરીઝ’નું સમાપન કર્યું હતું. હૈદરાબાદના ચિકેન સર્કિટ ખાતે રોમાંચક ફાઇનલ થઈ હતી. પાંચ લેગની ટૂર્નામેન્ટ ચેન્નાઈ, બેંગલુરુ, કેરળ, મુંબઈ અને ગુરુગ્રામમાં થઈને હૈદરાબાદમાં અંતિમ શોડાઉન સાથે સમાપ્ત થઈ હતી.
આ પણ વાંચો : 14 વર્ષ બાદ Real Madridનો સાથ છોડશે Benzema, જાણો તેની પાછળનું કારણ
દેશના અલગ અલગ કાર્ટિંગ ટ્રેક પર થઈ હતી ‘કાર્ટિંગ સુપરસિરીઝ’
સ્પર્ધાના દરેક તબક્કાએ દેશભરના જાણીતા કાર્ટિંગ ટ્રેક પર પોતાની જાતને ચકાસવાની તક મેળવનારા સહભાગીઓને એક અનન્ય અને પડકારજનક અનુભવ પ્રદાન કર્યો, જેમાં ચેન્નાઈમાં ECR સ્પીડવે, બેંગલુરુમાં મેકો કાર્ટોપિયા, કેરળમાં સ્પીડવે થ્રીસુર, મુંબઈમાં અજમેરા ઈન્ડીકાર્ટિંગ, અને ગુરુગ્રામમાં કાર્ટોમેનિયા (F11 કાર્ટિંગ) ટ્રેક સામેલ હતા.
કેટલાક યુવા ડ્રાઇવરો મોટરસ્પોર્ટ્સ પ્રત્યેના તેમના જુસ્સાને બતાવીને તેમની નોંધપાત્ર કુશળતાથી પ્રેક્ષકોને આશ્ચર્યચકિત કરવામાં સફળ થયા. વિવિધ શહેરોમાં યોજાયેલા દરેક લેગમાંથી પાંચ ફાઇનલિસ્ટને હૈદરાબાદના ચિકેન સર્કિટ ખાતે અંતિમ ફાઇનલમાં તેમની ક્ષમતા સાબિત કરવાની તક મળી હતી.
આ પણ વાંચો : Lionel Messiને ફેરવેલ મેચમાં મળી હાર, 2 વર્ષ બાદ PSGનો સાથ છોડ્યો
રચિત સિંઘલ બન્યો નવો રેસિંગ સ્ટાર
રચિત સિંઘલે શાનદાર પ્રદર્શન બાદ કાર્ટિગ સુપર સિરીઝના ખિતાબ માટે યોગ્ય રીતે ફાઇનલમાં તેના સ્પર્ધકોને હરાવવામાં સફળ રહ્યો. તેણે સમગ્ર ટુર્નામેન્ટમાં અસાધારણ પ્રતિભા, ચોકસાઈ દર્શાવી હતી, ‘કાર્ટિંગ સુપર સિરીઝ’ એ ભારત માટે તેના ભાવિ રેસિંગ સ્ટારની શોધ કરી હશે.
આ ઈવેન્ટના આયોજક RPPL પણ સફળ ઈન્ડિયન રેસિંગ લીગની ઉદઘાટન સીઝન દરમિયાન બાબતોનું સુકાન સંભાળતા હતા. શહેર સ્થિત ફ્રેન્ચાઈઝી રેસિંગ લીગમાં ચેન્નાઈ અને હૈદરાબાદમાં ચાર લેગની લડાઈમાં ટોચના સન્માન માટે 24 અગ્રણી વિદેશી અને ભારતીય ડ્રાઈવરો સાથે 6 ટીમો સ્પર્ધા કરતી જોવા મળી હતી. હૈદરાબાદ બ્લેકબર્ડ્સના અખિલ રવીન્દ્રએ ડ્રાઇવર્સનું ટાઇટલ જીત્યું અને ગોડસ્પીડ કોચીએ ટીમોની ચેમ્પિયનશિપ ટ્રોફી જીતી.
RPPLના ચેરમેનનું નિવેદન
રેસિંગ પ્રમોશન્સ પ્રાઈવેટ લિમિટેડના ચેરમેન અને મેનેજિંગ ડિરેક્ટર શ્રી અખિલ રેડ્ડીએ ‘કાર્ટિંગ સુપરસિરીઝ’ની સફળતા પર પોતાનો આનંદ વ્યક્ત કર્યો અને કહ્યું કે સંસ્થા આવી સ્પર્ધાઓ દ્વારા ભારતમાં આગામી પેઢીની રેસિંગ પ્રતિભાને ઉછેરવા માટે પ્રતિબદ્ધ છે.
RPPL વિશે મહત્વની માહિતી
રેસિંગ પ્રમોશન્સ પ્રાઈવેટ લિમિટેડ (RPPL) એ ભારતમાં 4W મોટરસ્પોર્ટ્સના વિશિષ્ટ અધિકાર ધારક છે અને તે IPs વિકસાવવા અને મોટરસ્પોર્ટ્સમાં ચેમ્પિયનશિપનું આયોજન કરે છે. અરમાન ઈબ્રાહિમ, આદિત્ય પટેલ અને અભિનંદન દ્વારા 2018 માં સ્થપાયેલ, રેસિંગ પ્રમોશન્સ મેઘા એન્જિનિયરિંગ એન્ડ ઈન્ફ્રાસ્ટ્રક્ચર લિમિટેડ (MEIL) ના અખિલેશ રેડ્ડીની બહુમતી માલિકી ધરાવે છે, જે ઈન્ફ્રાસ્ટ્રક્ચર, ઊર્જા અને સંરક્ષણમાં વૈવિધ્યસભર સમૂહ છે.
Latest News Updates
