Paris Olympics 2024 : વિનેશ ફોગાટ હજુ પણ સિલ્વર મેડલની રેસમાં ! CASનો અંતિમ નિર્ણય ક્યારે આપશે તે જાણો

ભારતીય કુસ્તીબાજ વિનેશ ફોગાટે પોતાની કુસ્તી કારકિર્દીને અલવિદા કહી દીધું છે. પેરિસ ઓલિમ્પિક 2024માં મેડલ જીતવાની દાવેદાર માનવામાં આવતી વિનેશ ફોગાટને ફાઈનલ મેચ પહેલા વધારે વજન હોવાના કારણે ગેરલાયક ઠેરવવામાં આવી હતી. વિનેશે મહિલા કુશ્તીની 50 કિગ્રા વર્ગમાં ભાગ લીધો હતો, પરંતુ ફાઈનલ પહેલા તેનું વજન 100 ગ્રામ વધુ હોવાનું જાણવા મળ્યું હતું. વિનેશે પોતાની ગેરલાયકાત સામે રમતગમતની સર્વોચ્ચ અદાલત કોર્ટ ઓફ આર્બિટ્રેશન ફોર સ્પોર્ટ્સ (CAS)માં અપીલ કરી હતી. CAS એ હવે આ મુદ્દાને લઈને એક પ્રેસ રિલીઝ બહાર પાડી છે.

વિનેશ ફોગાટે સિલ્વર મેડલની માંગ કરી

વિનેશ ફોગાટે અગાઉ ફાઈનલ મેચ રમવાની માંગ કરી હતી, પરંતુ તેની અપીલ પર CASએ કહ્યું કે તે મેચને રોકી શકે નહીં, જેના પછી ફોગાટે સંયુક્ત સિલ્વર મેડલની માંગ કરી. હવે કોર્ટ ઓફ આર્બિટ્રેશન ફોર સ્પોર્ટ્સ (CAS) એ એક પ્રેસ રીલીઝ જારી કરીને કહ્યું છે કે વિનેશ ફોગાટની ગેરલાયકાત સામેની અરજી પર નિર્ણય ઓલિમ્પિક રમતના અંત પહેલા નિર્ણય લેવામાં આવશે.

કોણ લડી રહ્યું છે વિનેશ ફોગાટનો કેસ?

ભારતીય ઓલિમ્પિક સંઘે CAS સમક્ષ વિનેશનું પ્રતિનિધિત્વ કરવા માટે હરીશ સાલ્વે અને વિદુષ્પત સિંઘાનિયાની નિમણૂક કરી છે. ભારતીય ઓલિમ્પિક સંઘ વિનેશ ફોગાટની અપીલનું સમર્થન કરી રહ્યું છે.

રમતગમત માટે કોર્ટ ઓફ આર્બિટ્રેશન શું છે?

CAS એ રમતના વિવાદોના ઉકેલ માટે 1984માં સ્થાપિત એક સ્વતંત્ર સંસ્થા છે. તેનું વડુમથક સ્વિટ્ઝર્લેન્ડના લૌસનેમાં છે અને તેની કોર્ટ ન્યૂયોર્ક સિટી અને સિડનીમાં છે, જ્યારે ઓલિમ્પિકના યજમાન શહેરોમાં કામચલાઉ કોર્ટની સ્થાપના કરવામાં આવી છે. તમને જણાવી દઈએ કે, CAS કોઈપણ રમત સંગઠનથી સ્વતંત્ર છે. CAS ઘણા રમત વિવાદોમાં અંતિમ નિર્ણય આપે છે, કેટલાક સંજોગોમાં સ્વિટ્ઝર્લેન્ડની ફેડરલ સુપ્રીમ કોર્ટમાં અપીલ કરવામાં આવે છે.

આ પણ વાંચો: Paris Olympics 2024: અમન સેહરાવત ફાઈનલમાં પહોંચવામાં ચૂકી ગયો, હવે બ્રોન્ઝ મેડલ માટે દાવો કરશે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો